ഉദയ്പൂർ: രാജസ്ഥാനിലെ ഉദയ്പൂരിൽ സ്വകാര്യ ഐടി കമ്പനിയിലെ മാനേജറായ യുവതിയെ സിഇഒയും സഹപ്രവർത്തകരും ചേർന്ന് ഓടിക്കൊണ്ടിരുന്ന കാറിൽ വെച്ച് കൂട്ടബലാത്സംഗം ചെയ്തു (IT Manager Assault). ഡിസംബർ 20-ന് കമ്പനിയിൽ നടന്ന ജന്മദിനാഘോഷത്തിന് പിന്നാലെയാണ് സംഭവം. കേസുമായി ബന്ധപ്പെട്ട് കമ്പനി സിഇഒ, കമ്പനിയിലെ വനിതാ എക്സിക്യൂട്ടീവ് ഹെഡ്, അവരുടെ ഭർത്താവ് എന്നിവരെ പോലീസ് കസ്റ്റഡിയിലെടുത്തു.
രാത്രി നടന്ന പാർട്ടിയിൽ അമിതമായി മദ്യം കഴിച്ചതിനെത്തുടർന്ന് യുവതിയുടെ ആരോഗ്യനില മോശമായിരുന്നു. ഈ സമയം വീട്ടിലാക്കാമെന്ന് പറഞ്ഞ് വനിതാ എക്സിക്യൂട്ടീവും ഭർത്താവും സിഇഒയും ചേർന്ന് യുവതിയെ കാറിൽ കയറ്റി. യാത്രാമധ്യേ സിഗരറ്റിന് സമാനമായ ഒരു പദാർത്ഥം ഇവർ യുവതിക്ക് നൽകിയതായും അത് ഉപയോഗിച്ചതോടെ താൻ അബോധാവസ്ഥയിലായെന്നും യുവതി പരാതിയിൽ പറയുന്നു. പിറ്റേന്ന് രാവിലെ ബോധം വന്നപ്പോഴാണ് താൻ ലൈംഗികമായി ആക്രമിക്കപ്പെട്ട വിവരം യുവതി തിരിച്ചറിഞ്ഞത്.
യുവതിയുടെ പരാതിയിൽ ഉദയ്പൂർ പോലീസ് കേസെടുത്ത് അന്വേഷണം ആരംഭിച്ചു. സിഇഒ ഉൾപ്പെടെയുള്ള മൂന്ന് പ്രതികളെയും കസ്റ്റഡിയിലെടുത്ത് ചോദ്യം ചെയ്തുവരികയാണെന്ന് ഉദയ്പൂർ എസ്പി യോഗേഷ് ഗോയൽ അറിയിച്ചു. യുവതിയുടെ വൈദ്യപരിശോധനയും മൊഴി രേഖപ്പെടുത്തലും പൂർത്തിയായ ശേഷം പ്രതികളുടെ അറസ്റ്റ് രേഖപ്പെടുത്തുമെന്നും പോലീസ് വ്യക്തമാക്കി.
A female manager of a private IT firm in Udaipur, Rajasthan, was allegedly gang-raped in a moving car by the company's CEO, a female executive head, and her husband. The incident occurred following a birthday party on December 20, where the victim was offered a ride home after falling ill. She alleged that the trio gave her an intoxicating substance during the journey, causing her to lose consciousness before being sexually assaulted. Udaipur police have detained all three accused and are conducting further investigations pending medical reports.