ചെന്നൈ : ഇന്ത്യയുടെ വാര്ത്താവിനിമയ ഉപഗ്രഹമായ സിഎംഎസ്-03യുടെ വിക്ഷേപണം വിജയകരം.സതീഷ് ധവാൻ സപേസ് സെന്ററിൽ നിന്ന് വൈകിട്ട് 5.26 ഓടെയായിരുന്നു വിക്ഷേപണം നടന്നത്. ഐഎസ്ആര്ഒയുടെ ഏറ്റവും ഭാരമേറിയ ആശയവിനിമയ ഉപഗ്രഹമാണ് സിഎംഎസ്-03. ഏകദേശം 4,410 കിലോഗ്രാം ഭാരമുള്ള ഈ ഉപഗ്രഹം ഇന്ത്യന് മണ്ണില് നിന്ന് വിക്ഷേപിക്കുന്ന ഏറ്റവും ഭാരമേറിയതാണ്.
‘ബാഹുബലി’ എന്ന് വിളിക്കപ്പെടുന്ന എല്വിഎം 3 റോക്കറ്റിലാണ് ഉപഗ്രഹം കുതിച്ചത്.ഇന്ത്യ ഉപഭൂഖണ്ഡത്തിലും ചേര്ന്നുള്ള സമുദ്രമേഖലയിലും വാര്ത്താവിനിമയ ബന്ധം ശക്തിപ്പെടുത്തുകയാണ് സിഎംഎസ്-03യുടെ ലക്ഷ്യം. ഐഎസ്ആര്ഒയുടെ വിക്ഷേപണ വാഹനമായ എല്വിഎം-3യാണ് സിഎംഎസ്-03 യെ ഭ്രമണപഥത്തിലെത്തിക്കുന്നത്.
എല്വിഎം-3യുടെ അഞ്ചാമത്തെ വിക്ഷേപണമായതിനാല് എല്വിഎം-3 എം5 എന്നാണ് ദൗത്യത്തിന് പേരിട്ടത്. ചന്ദ്രയാന്-3 പോലുള്ള വലിയ ദൗത്യങ്ങളിലും ഉപയോഗിച്ചത് എല്വിഎം-3 വിക്ഷേപണ വാഹനമായിരുന്നു. ആദ്യ സൈനിക വാര്ത്താവിനിമയ ഉപഗ്രഹമായ ജി സാറ്റ്-7 ന്റെ കാലാവധി കഴിഞ്ഞതിനെത്തുടര്ന്നാണ് സിഎംഎസ്-03യുടെ നിര്മ്മാണം. ദേശസുരക്ഷയില് അതീവനിര്ണ്ണായകമാണ് വിക്ഷേപണം.