ന്യൂഡൽഹി: പഹൽഗാം ഭീകരാക്രണത്തെ തുടർന്ന് പാകിസ്താനിലും പാക് അധീന കാശ്‌മീരിലും ഇന്ത്യ നടത്തിയ ഭീകര വിരുദ്ധ പ്രവർത്തനങ്ങളുടെ ഞെട്ടലിലാണ് പാകിസ്ഥാനെന്ന് പ്രധാന മന്ത്രി നരേന്ദ്ര മോദി(Operation Sindoor). ന്യൂഡൽഹിയിലെ ചെങ്കോട്ടയിൽ നടക്കുന്ന സ്വാതന്ത്ര്യ ദിനാഘോഷത്തിൽ, രാജ്യത്തെ അഭിസംബോധന ചെയ്ത് സംസാരിക്കവെയാണ് അദ്ദേഹം പാകിസ്ഥാനെ പരിഹസിച്ചത്.
പാകിസ്ഥാനിൽ നിന്നുള്ള ആണവ ആക്രമണ ഭീഷണി വളരെക്കാലമായി തുടരുകയാണെന്നും അതിനി വച്ചു പൊറുപ്പിക്കില്ലെന്നും പ്രധാനമന്ത്രി തറപ്പിച്ച് പറഞ്ഞു. പാകിസ്ഥാൻ ഇനിയും അത്തരം ശ്രമങ്ങളിൽ തുടർന്നാൽ സായുധ സേന ഇനിയും ലക്ഷ്യങ്ങൾ നേടിയെടുക്കുമെന്നും പ്രധാനമന്ത്രി മോദി പറഞ്ഞു.