സോഷ്യൽ മീഡിയയിൽ ജോലി അന്വേഷിച്ചെത്തിയ ഇന്ത്യൻ യുവാവിന് മുംബൈയിലെ ഇറാൻ കോൺസുലേറ്റ് നൽകിയ രസകരമായ മറുപടി ഇപ്പോൾ ഇന്റർനെറ്റിൽ തരംഗമാകുകയാണ്. അക്ഷയ് ആനന്ദ് എന്ന യുവാവ് എക്സ് പ്ലാറ്റ്ഫോമിലൂടെയാണ് ഇറാൻ കോൺസുലേറ്റിന്റെ സോഷ്യൽ മീഡിയ ടീമിൽ ഇന്ത്യക്കാരെ നിയമിക്കാറുണ്ടോ എന്ന് ചോദിച്ചത് (Iran Consulate Mumbai Viral Post).
ഇതിന് കോൺസുലേറ്റ് നൽകിയ വിനയപൂർവ്വമായ മറുപടിയാണ് കൈയടി നേടുന്നത്.
“ഹായ്, ഞങ്ങൾക്ക് ശരിക്കും താൽപ്പര്യമുണ്ട്, പക്ഷേ നിലവിൽ ഒഴിവുകളൊന്നുമില്ല. ഞങ്ങളുടെ നിലവിലെ ടീമിൽ എല്ലാവരും ഇറാനികളാണ്. എങ്കിലും ഇന്ത്യയോട് ഞങ്ങൾക്ക് പ്രത്യേക സ്നേഹമുണ്ട്. ഭാവിയിൽ ഇന്ത്യൻ സുഹൃത്തുക്കളെ ഞങ്ങളുടെ ടീമിലേക്ക് കൊണ്ടുവരുന്നത് മികച്ചൊരു ആശയമാണ്,” എന്നായിരുന്നു കോൺസുലേറ്റിന്റെ ഔദ്യോഗിക പ്രതികരണം.
Hi,
We’d genuinely love to, but at the moment there are no vacancies.
Our current team is all Iranian (with a soft spot for #India), though bringing our Indian friends onboard someday is a pretty great idea.#Iran https://t.co/UgBEuMaQal
— Consulate General of the I.R. Iran in Mumbai (@IRANinMumbai) April 8, 2026
നയതന്ത്ര കാര്യാലയങ്ങളിൽ നിന്ന് സാധാരണയായി ലഭിക്കാറുള്ള ഔദ്യോഗിക ഭാഷയേക്കാൾ ഉപരിയായി, ഏറെ സൗഹൃദപരമായ ടോണിൽ നൽകിയ ഈ മറുപടിയെ നിരവധി പേർ പ്രശംസിച്ചു. ചിലർ തമാശയായി തങ്ങളെ ‘വെയ്റ്റിംഗ് ലിസ്റ്റിൽ’ ഉൾപ്പെടുത്തണമെന്ന് ആവശ്യപ്പെട്ടപ്പോൾ, മറ്റു ചിലർ തങ്ങളുടെ ഭാഷാ നൈപുണ്യം വ്യക്തമാക്കിക്കൊണ്ട് താഴെ കമന്റ് ചെയ്തു. ഇറാൻ-അമേരിക്ക സംഘർഷത്തിനിടയിലും ഇറാനിയൻ നയതന്ത്ര അക്കൗണ്ടുകൾ പുലർത്തുന്ന ഈ നർമ്മബോധം ശ്രദ്ധേയമാണ്. ഇന്ത്യയും ഇറാനും തമ്മിലുള്ള ചരിത്രപരമായ സൗഹൃദത്തിന്റെയും ഊർജ്ജ സുരക്ഷാ ബന്ധങ്ങളുടെയും പശ്ചാത്തലത്തിൽ ഈ ഒരു ചെറിയ സംഭാഷണം ഇരുരാജ്യങ്ങളിലെയും ജനങ്ങൾക്കിടയിൽ വലിയ സ്വീകാര്യതയാണ് നേടുന്നത്.
