ഇൻഡോർ: മധ്യപ്രദേശിലെ ഇൻഡോറിൽ ഇലക്ട്രിക് വാഹനം ചാർജ് ചെയ്യുന്നതിനിടെയുണ്ടായ സ്ഫോടനത്തെത്തുടർന്നുണ്ടായ തീപിടുത്തത്തിൽ ഒരു കുടുംബത്തിലെ ഏഴ് പേർക്ക് ദാരുണാന്ത്യം (Indore EV explosion news). മരിച്ചവരിൽ 12 വയസ്സുകാരിയും ഉൾപ്പെടുന്നു. മൂന്ന് പേർ ഗുരുതരമായ പരിക്കുകളോടെ ആശുപത്രിയിൽ ചികിത്സയിലാണ്.
ബുധനാഴ്ച പുലർച്ചെ നാല് മണിയോടെ ഇൻഡോറിലെ ബ്രിജേശ്വരി അനക്സിന് സമീപമുള്ള മൂന്ന് നില കെട്ടിടത്തിലാണ് അപകടമുണ്ടായത്. ചാർജിംഗ് പോയിന്റിലുണ്ടായ സ്ഫോടനത്തെത്തുടർന്ന് തീ അതിവേഗം പടരുകയായിരുന്നു. വീട്ടിൽ സൂക്ഷിച്ചിരുന്ന പത്തോളം എൽ.പി.ജി (LPG) സിലിണ്ടറുകൾ തീപിടുത്തത്തിനിടെ വലിയ ശബ്ദത്തോടെ പൊട്ടിത്തെറിച്ചത് ദുരന്തത്തിന്റെ ആഘാതം വർദ്ധിപ്പിച്ചു.
കനത്ത പുകയും ആളിപ്പടരുന്ന തീയും കാരണം വീടിന്റെ മുൻഭാഗത്തു കൂടി രക്ഷാപ്രവർത്തകർക്ക് അകത്തേക്ക് പ്രവേശിക്കാൻ കഴിഞ്ഞില്ല.
സമീപത്തെ കെട്ടിടം വഴി സാഹസികമായാണ് അഗ്നിശമന സേനയും നാട്ടുകാരും വീടിനുള്ളിലെത്തിയത്. മൂന്ന് പേരെ ആദ്യഘട്ടത്തിൽ സുരക്ഷിതമായി പുറത്തെത്തിക്കാൻ സാധിച്ചു. കിടപ്പുമുറികളിൽ ഉറങ്ങിക്കിടന്നവർക്ക് പുറത്തുകടക്കാൻ കഴിയാത്തതാണ് മരണസംഖ്യ ഉയരാൻ കാരണമായത്. അപകടത്തെത്തുടർന്ന് കാണാതായ ഒരു കുഞ്ഞിനായുള്ള തിരച്ചിൽ പോലീസ് ഊർജ്ജിതമാക്കിയിട്ടുണ്ട്.
സംഭവത്തിൽ പോലീസ് വിശദമായ അന്വേഷണം ആരംഭിച്ചു. ഇലക്ട്രിക് വാഹനങ്ങളുടെ സുരക്ഷിതമായ ചാർജിംഗ് രീതികളെക്കുറിച്ച് വീണ്ടും ചർച്ചകൾ ഉയരാൻ ഈ ദാരുണ സംഭവം കാരണമായിട്ടുണ്ട്.
Story Summary:
A tragic fire caused by an electric vehicle (EV) exploding while charging claimed the lives of seven family members, including a 12-year-old girl, in Indore, Madhya Pradesh. The incident occurred in a three-story building near Brijeshwari Annexe early Wednesday morning. The presence of about 10 LPG cylinders in the house exacerbated the blaze, leading to further explosions. While three people were rescued, others were trapped in their bedrooms. Police are currently searching for a missing infant and investigating the cause of the technical failure.
