ഇൻഡോർ: മധ്യപ്രദേശിലെ ഇൻഡോറിൽ എട്ടു വർഷമായി ലൈംഗിക ബന്ധത്തിന് വിസമ്മതിച്ചതിനെത്തുടർന്നുള്ള വൈരാഗ്യത്തിൽ ഭർത്താവ് ഭാര്യയെ കൊലപ്പെടുത്തി (Indore Crime News). ജനുവരി 9-നാണ് ഇൻഡോറിലെ എയറോഡ്രോം പോലീസ് സ്റ്റേഷൻ പരിധിയിൽ 40 വയസ്സുകാരി കൊല്ലപ്പെട്ടത്. സംഭവത്തിൽ ഭർത്താവിനെ പോലീസ് അറസ്റ്റ് ചെയ്തു.
രക്തസമ്മർദ്ദം ഉയർന്നതിനെത്തുടർന്ന് വീട്ടിൽ തലകറങ്ങി വീണാണ് ഭാര്യ മരിച്ചതെന്നായിരുന്നു പ്രതി പോലീസിനോടും ആശുപത്രി അധികൃതരോടും പറഞ്ഞിരുന്നത്. എന്നാൽ പോസ്റ്റ്മോർട്ടം റിപ്പോർട്ടിൽ മരണം ശ്വാസം മുട്ടിച്ചാണെന്ന് കണ്ടെത്തിയതോടെ പോലീസ് ഭർത്താവിനെ വിശദമായി ചോദ്യം ചെയ്തു. ചോദ്യം ചെയ്യലിൽ പ്രതി കുറ്റം സമ്മതിക്കുകയായിരുന്നു.
മെക്കാനിക്കായ താൻ കഴിഞ്ഞ എട്ടു വർഷമായി ലൈംഗിക ബന്ധത്തിന് ആവശ്യപ്പെട്ടിട്ടും ഭാര്യ വിസമ്മതിച്ചതാണ് കൊലപാതകത്തിന് കാരണമെന്ന് പ്രതി പോലീസിനോട് പറഞ്ഞു. ഇതിനെത്തുടർന്നുണ്ടായ കടുത്ത ദേഷ്യത്തിലാണ് ശ്വാസം മുട്ടിച്ച് കൊലപ്പെടുത്തിയതെന്നും ഇയാൾ സമ്മതിച്ചു. ഞായറാഴ്ചയാണ് പ്രതിയുടെ അറസ്റ്റ് രേഖപ്പെടുത്തിയത്. സംഭവത്തിൽ കൂടുതൽ അന്വേഷണം നടന്നുവരികയാണെന്ന് ഡെപ്യൂട്ടി പോലീസ് കമ്മീഷണർ ശ്രീകൃഷ്ണ ലാൽചന്ദാനി അറിയിച്ചു.
A man in Indore, Madhya Pradesh, was arrested for allegedly murdering his 40-year-old wife after she refused to have sex with him for the past eight years. Although the accused initially claimed his wife died from a fall due to high blood pressure, a post-mortem report confirmed death by strangulation. During police interrogation, the man confessed to the crime, citing long-term sexual frustration as the motive for the murder.