ന്യൂഡൽഹി : വ്യാഴാഴ്ച 170 ഓളം യാത്രക്കാരുമായി സൂറത്തിൽ നിന്ന് ദുബായിലേക്ക് പോയ ഇൻഡിഗോ വിമാനം ആകാശമധ്യേ ചില സാങ്കേതിക തകരാറുകൾ കാരണം അഹമ്മദാബാദ് വിമാനത്താവളത്തിലേക്ക് തിരിച്ചുവിട്ടതായി വിമാനത്താവള ഉദ്യോഗസ്ഥൻ പറഞ്ഞു.(IndiGo’s Surat-Dubai flight diverted to Ahmedabad after mid-air technical glitch)
സൂറത്ത് വിമാനത്താവളത്തിൽ നിന്ന് രാവിലെ 9.30 ഓടെ പറന്നുയർന്ന വിമാനം, വഴിതിരിച്ചുവിട്ടതിന് ശേഷം രാവിലെ 11 മണിയോടെ അഹമ്മദാബാദിലെ സർദാർ വല്ലഭായ് പട്ടേൽ അന്താരാഷ്ട്ര (എസ്‌വി‌പി‌ഐ) വിമാനത്താവളത്തിൽ സുരക്ഷിതമായി ഇറക്കിയെന്ന് ആണ് വിവരം. യാത്രക്കാർക്കായി ഇൻഡിഗോ മറ്റൊരു വിമാനം ഏർപ്പാട് ചെയ്തു.
ഉച്ചയ്ക്ക് 1.45 ഓടെ ആ വിമാനം ദുബായിലേക്ക് പറന്നുയർന്നു. വഴിതിരിച്ചുവിട്ട് ഇവിടെ ഇറക്കിയ വിമാനം ഇപ്പോൾ വിമാന എഞ്ചിനീയർമാർ പരിശോധിച്ചുകൊണ്ടിരിക്കുകയാണ്.