ഇൻഡോർ: ഇൻഡിഗോയുടെ ഇൻഡോർ-റായ്പൂർ വിമാനം പറന്നുയർന്നതിന് തൊട്ടുപിന്നാലെ സാങ്കേതിക തകരാർ കണ്ടെത്തിയതിനെ തുടർന്ന് സുരക്ഷിതമായി നിലത്തിറക്കി(flight). ഇന്ന് രാവിലെ 6.35 ഓടെയാണ് ഇൻഡോർ വിമാനത്താവളത്തിൽ നിന്ന് വിമാനം പറന്നുയർന്നത്. എന്നാൽ, ഏകദേശം 60 നോട്ടിക്കൽ മൈൽ ദൂരം സഞ്ചരിച്ചപ്പോഴാണ് തകരാർ ശ്രദ്ധയിൽ പെട്ടത്.
തുടർന്ന് ഏതാനും മിനിറ്റുകൾക്കകം പൈലറ്റ് എയർ ട്രാഫിക് കൺട്രോളിന് സാങ്കേതിക തകരാർ കണ്ടെത്തിയതായി വിവരമറിയിക്കുകയായിരുന്നു. വിമാനത്തിൽ 51 യാത്രക്കാരാണ് ഉണ്ടായിരുന്നത്. യാത്രക്കാരെല്ലാവരും സുരക്ഷിതരാണെന്ന് ഇൻഡിഗോ കമ്പനി ഉദ്യോഗസ്ഥൻ വ്യക്തമാക്കി.