ചെന്നൈ : മധുരയിൽ നിന്ന് 76 യാത്രക്കാരുമായി പറന്ന ഇൻഡിഗോയുടെ വിമാനത്തിന്റെ വിൻഡ്‌ഷീൽഡിൽ ശനിയാഴ്ച വിള്ളൽ കണ്ടെത്തിയതായി അധികൃതർ പറഞ്ഞു. മുൻവശത്തെ ഗ്ലാസിൽ വിള്ളൽ ശ്രദ്ധയിൽപ്പെട്ട പൈലറ്റ് വിമാനത്താവളത്തിലെ എയർ ട്രാഫിക് കൺട്രോളറെ അറിയിച്ചു. (IndiGo Aircraft's Windshield Cracks Before Landing In Chennai)
വിവരം ലഭിച്ചയുടനെ വിമാനത്താവളത്തിൽ ക്രമീകരണങ്ങൾ ഏർപ്പെടുത്തുകയും വിമാനം സുരക്ഷിതമായി ഇറക്കുകയും ചെയ്തുവെന്ന് അവർ പറഞ്ഞു. വിമാനം പാർക്ക് ചെയ്യുന്നതിനായി പ്രത്യേക ബേയിലേക്ക് (ബേ നമ്പർ 95) കൊണ്ടുപോയി യാത്രക്കാരെ പിന്നീട് സുരക്ഷിതമായി ഇറക്കി.
വിൻഡ്ഷീൽഡ് മാറ്റിസ്ഥാപിക്കാനുള്ള ക്രമീകരണങ്ങൾ ചെയ്തുവരികയാണെന്ന് അവർ പറഞ്ഞു. സംഭവത്തിന്റെ കാരണം ഇതുവരെ അറിവായിട്ടില്ല. സംഭവത്തെത്തുടർന്ന്, മധുരയിലേക്കുള്ള വിമാനത്തിന്റെ മടക്കയാത്ര റദ്ദാക്കിയതായി അവർ കൂട്ടിച്ചേർത്തു.