ന്യൂഡൽഹി: ഊർജ്ജ ഉപഭോഗം കുറയ്ക്കുന്നതിനും കാര്യക്ഷമത വർദ്ധിപ്പിക്കുന്നതിനുമായി വിവിധ വീട്ടുപകരണങ്ങൾക്ക് സ്റ്റാർ റേറ്റിംഗ് (Star Labeling) കേന്ദ്ര സർക്കാർ നിർബന്ധമാക്കി. റെഫ്രിജറേറ്ററുകൾ, ടെലിവിഷനുകൾ, എൽപിജി ഗ്യാസ് സ്റ്റൗവുകൾ എന്നിവയുൾപ്പെടെയുള്ള ഉപകരണങ്ങൾക്ക് 2026 ജനുവരി 1 മുതൽ പുതിയ നിയമം പ്രാബല്യത്തിൽ വരും. ബ്യൂറോ ഓഫ് എനർജി എഫിഷ്യൻസി (BEE) ആണ് ഇതുസംബന്ധിച്ച വിജ്ഞാപനം പുറപ്പെടുവിച്ചത്.
മുൻപ് ടെലിവിഷനുകൾക്കും ഫ്രിഡ്ജുകൾക്കും സ്റ്റാർ ലേബലിംഗ് സ്വമേധയാ ചെയ്യാവുന്ന ഒന്നായിരുന്നു. എന്നാൽ പുതിയ ഉത്തരവനുസരിച്ച് ഇനിമുതൽ ഇവയ്ക്ക് സ്റ്റാർ റേറ്റിംഗ് മുദ്ര നിർബന്ധമാണ്. കൂടാതെ ഡീപ് ഫ്രീസറുകൾ, ഡിസ്ട്രിബ്യൂഷൻ ട്രാൻസ്ഫോർമറുകൾ, ഗ്രിഡ് കണക്റ്റഡ് സോളാർ ഇൻവെർട്ടറുകൾ, ചില്ലറുകൾ എന്നിവയ്ക്കും പുതിയ നിയമം ബാധകമായിരിക്കും.
നിലവിൽ എയർ കണ്ടീഷണറുകൾ, വാഷിംഗ് മെഷീനുകൾ, വാട്ടർ ഹീറ്ററുകൾ, എൽഇഡി ബൾബുകൾ എന്നിവയ്ക്ക് സ്റ്റാർ റേറ്റിംഗ് നിർബന്ധമാണ്. എന്നാൽ ഈ ഉപകരണങ്ങളുടെ മാനദണ്ഡങ്ങളിലും സർക്കാർ മാറ്റം വരുത്തിയിട്ടുണ്ട്. കൂടുതൽ ഊർജ്ജക്ഷമത ഉറപ്പാക്കുന്നതിനായി നിലവിലുള്ള സ്റ്റാർ റേറ്റിംഗ് മാനദണ്ഡങ്ങൾ പരിഷ്കരിക്കുകയാണ് ചെയ്തത്. 2025 ജൂലൈയിൽ പുറത്തിറക്കിയ കരട് വിജ്ഞാപനത്തിന്മേൽ പൊതുജനങ്ങളിൽ നിന്നും വിവിധ മേഖലകളിൽ നിന്നുമുള്ള അഭിപ്രായങ്ങൾ കൂടി പരിഗണിച്ചാണ് ഈ മാറ്റങ്ങൾ നടപ്പിലാക്കിയിരിക്കുന്നത്
Starting January 1, 2026, the Indian government has made energy efficiency star-labelling mandatory for several appliances, including refrigerators, televisions, LPG gas stoves, and chillers. According to the Bureau of Energy Efficiency (BEE), this regulation also extends to deep freezers and solar inverters, which were previously under voluntary labelling. The move aims to enhance energy efficiency across domestic and industrial appliances, upgrading standards for existing items like ACs and washing machines to meet modern energy-saving goals.