ന്യൂഡൽഹി: അമേരിക്കയിലേക്ക് ഇറക്കുമതി ചെയ്യുന്ന വിദേശ നിർമ്മിത പേറ്റന്റ് മരുന്നുകൾക്ക് (Patented Drugs) 100 ശതമാനം വരെ ഇറക്കുമതി നികുതി ഏർപ്പെടുത്തി പ്രസിഡന്റ് ഡൊണാൾഡ് ട്രംപ് ഉത്തരവിട്ടു. ദേശീയ സുരക്ഷയും വിതരണ ശൃംഖലയിലെ തടസ്സങ്ങളും പരിഗണിച്ചാണ് ഈ നീക്കമെന്ന് ട്രംപ് വ്യക്തമാക്കി (Indian Generic Drugs US Export). അമേരിക്കൻ ഭരണകൂടവുമായി വില കുറയ്ക്കുന്ന കാര്യത്തിൽ ധാരണയിലെത്താത്ത കമ്പനികൾക്കാണ് ഈ ഉയർന്ന നികുതി ബാധകമാകുക. ഇതോടെ ലോകത്തിന്റെ മരുന്നുപുര എന്നറിയപ്പെടുന്ന ഇന്ത്യയുടെ ഫാർമസ്യൂട്ടിക്കൽ മേഖലയിൽ വലിയ ചർച്ചകൾക്ക് തുടക്കമായിരിക്കുകയാണ്.
അമേരിക്കൻ വിപണിയിൽ വിൽക്കുന്ന പേറ്റന്റ് മരുന്നുകളിൽ പകുതിയിലധികവും നിലവിൽ വിദേശ രാജ്യങ്ങളിലാണ് നിർമ്മിക്കുന്നത്. ഈ അമിത ആശ്രിതത്വം കുറയ്ക്കാനും ഉൽപ്പാദനം അമേരിക്കയിലേക്ക് തന്നെ കൊണ്ടുവരാനുമാണ് ട്രംപ് ലക്ഷ്യമിടുന്നത്. അമേരിക്കയിൽ ഉൽപ്പാദന കേന്ദ്രങ്ങൾ തുടങ്ങുന്ന കമ്പനികൾക്ക് നികുതിയിൽ ഇളവ് നൽകും. എന്നാൽ മരുന്ന് നിർമ്മാണത്തിന് ആവശ്യമായ അസംസ്കൃത വസ്തുക്കൾ ഉൾപ്പെടെയുള്ളവയുടെ ഇറക്കുമതിക്ക് നികുതി ഏർപ്പെടുത്തുന്നത് ആഗോള വിതരണ ശൃംഖലയെ ബാധിച്ചേക്കാം.
നിലവിൽ സാധാരണ ഉപയോഗിക്കുന്ന ജനറിക് മരുന്നുകളെയും (Generic Drugs) ജീവൻരക്ഷാ മരുന്നുകളെയും ഈ നികുതിയിൽ നിന്ന് ഒഴിവാക്കിയിട്ടുണ്ട്. ഇന്ത്യയുടെ മരുന്ന് കയറ്റുമതിയുടെ വലിയൊരു ഭാഗവും ജനറിക് മരുന്നുകളായതിനാൽ തൽക്കാലം വലിയ പ്രതിസന്ധി ഉണ്ടാകില്ലെന്നാണ് വിലയിരുത്തൽ. എന്നാൽ ഒരു വർഷത്തിന് ശേഷം ജനറിക് മരുന്നുകളുടെ കാര്യത്തിലും പുനപരിശോധന നടത്തുമെന്ന് വൈറ്റ് ഹൗസ് വ്യക്തമാക്കിയത് ഇന്ത്യൻ കമ്പനികൾക്ക് ആശങ്കയുണ്ടാക്കുന്നുണ്ട്.
ഡോക്ടർ റെഡ്ഡീസ് ലബോറട്ടറീസ്, സൺ ഫാർമ, ബയോകോൺ തുടങ്ങിയ പ്രമുഖ ഇന്ത്യൻ കമ്പനികൾക്ക് പേറ്റന്റുള്ള മരുന്നുകളുടെ വലിയ പോർട്ട്ഫോളിയോ തന്നെയുണ്ട്. പുതിയ നിയമം നടപ്പിലാകുന്നതോടെ ഇത്തരം കമ്പനികൾക്ക് അമേരിക്കൻ വിപണിയിൽ മരുന്നുകൾ വിൽക്കുന്നത് ചിലവേറിയതായി മാറും. ഭാവിയിൽ ഇന്ത്യയിലേക്കുള്ള നിക്ഷേപങ്ങൾ കുറയാനും ഉൽപ്പാദന കേന്ദ്രങ്ങൾ അമേരിക്കയിലേക്ക് മാറാനും ഈ സാഹചര്യം കാരണമായേക്കാം.
Summary: US President Donald Trump has signed an executive order imposing up to 100% tariffs on foreign-made patented drugs to boost domestic manufacturing and address national security concerns. While low-cost generic drugs, which form the bulk of India’s pharmaceutical exports to the US, are currently exempt, the move could impact major Indian firms like Sun Pharma and Dr. Reddy’s that deal in patented therapies. The US administration aims to reduce its 53% reliance on imported patented drugs by incentivizing companies to onshore production.
