ന്യൂഡൽഹി : ബുധനാഴ്ച ആരംഭിക്കുന്ന പ്രധാനമന്ത്രി നരേന്ദ്ര മോദിയുടെ ബ്രിട്ടണിലേക്കും മാലിദ്വീപിലേക്കുമുള്ള സന്ദർശനങ്ങളെ ബന്ധിപ്പിക്കുന്ന ഒരു പൊതു ത്രെഡായിരിക്കും സാമ്പത്തിക, സുരക്ഷാ സഹകരണം ശക്തിപ്പെടുത്തുക എന്നത്. യുകെയിലേക്കുള്ള യാത്രയുടെ പ്രധാന ആകർഷണം സ്വതന്ത്ര വ്യാപാര കരാറിൽ (എഫ്‌ടി‌എ) ഔപചാരികമായി ഒപ്പുവയ്ക്കൽ ആയിരിക്കും.(India-UK trade deal on agenda )
ജൂലൈ 23-24 തീയതികളിൽ പ്രധാനമന്ത്രി കെയർ സ്റ്റാർമറുമായും ചാൾസ് മൂന്നാമൻ രാജാവുമായും കൂടിക്കാഴ്ച നടത്താൻ ആദ്യം യുകെയിലേക്ക് പോകും. തുടർന്ന് ജൂലൈ 25-26 തീയതികളിൽ മാലി ദ്വീപിൽ സ്വാതന്ത്ര്യദിനാഘോഷങ്ങളിൽ വിശിഷ്ടാതിഥിയായി പങ്കെടുക്കും. വ്യാപാരം, നിക്ഷേപം, പ്രതിരോധം, സുരക്ഷ തുടങ്ങിയ വിവിധ മേഖലകളിലെ ബന്ധം ശക്തിപ്പെടുത്തുന്നതിനുള്ള അവസരങ്ങളാണ് രണ്ട് സന്ദർശനങ്ങളും എന്ന് വിദേശകാര്യ സെക്രട്ടറി വിക്രം മിശ്ര ചൊവ്വാഴ്ച ഒരു മാധ്യമസമ്മേളനത്തിൽ പറഞ്ഞു.