ഭാവ്നഗർ: ഇന്ത്യ സ്വാശ്രയത്വത്തിലേക്ക് നീങ്ങുമ്പോൾ 'വിദേശ ആശ്രിതത്വം' മറികടക്കാൻ രാഷ്ട്രത്തോട് അഭ്യർത്ഥിച്ച് പ്രധാനമന്ത്രി നരേന്ദ്ര മോദി(Prime Minister Narendra Modi). ഇന്ത്യയ്ക്ക് സ്വയംപര്യാപ്തത നേടുകയല്ലാതെ മറ്റ് മാർഗമില്ലെന്നും രാജ്യത്തിന് ആവശ്യമുള്ളത് രാജ്യത്തിന് അകത്ത് തന്നെ നിർമ്മിക്കണമെന്നും അദ്ദേഹം ആവശ്യപ്പെട്ടു.
ഭാവ്‌നഗറിൽ 'സമുദ്ര സേ സമൃദ്ധി' സംരംഭത്തിന്റെ ഉദ്ഘാടന വേളയിൽ പൊതു റാലിയെ അഭിസംബോധന ചെയ്തുകൊണ്ടാണ് അദ്ദേഹം ഇക്കാര്യം അറിയിച്ചത്.
'സമുദ്ര സേ സമൃദ്ധി' സംരംഭം സമുദ്രങ്ങൾ വഴിയുള്ള വളർച്ചയ്ക്കും സമൃദ്ധിക്കും വേണ്ടിയുള്ള ഒരു രാജ്യവ്യാപകമായ പദ്ധതിയാണെന്ന് അദ്ദേഹം കൂട്ടിച്ചേർത്തു. ആഗോള സമുദ്ര ശക്തി എന്ന നിലയിൽ ഇന്ത്യയുടെ നട്ടെല്ലായി തുറമുഖങ്ങളുടെ പ്രാധാന്യവും അദ്ദേഹം പൊതുജനങ്ങൾക്ക് മുന്നിൽ ചൂണ്ടിക്കാട്ടി.