ന്യൂഡൽഹി: ട്രംപ് ഭരണകൂടം ഇന്ത്യയ്ക്ക് മേൽ 50 ശതമാനം തീരുവ ചുമത്തുന്നത് "അന്യായവും യുക്തിരഹിതവുമാണ്" എന്നതിനാൽ ചൈന അതിനെ ശക്തമായി എതിർക്കുന്നുവെന്ന് പറഞ്ഞ് ചൈനീസ് പ്രതിനിധി. കൂടാതെ വെല്ലുവിളിയെ നേരിടാൻ ഇന്ത്യയും ചൈനയും സംയുക്തമായി സാമ്പത്തിക ബന്ധം വർദ്ധിപ്പിക്കണമെന്ന് ചൈനീസ് അംബാസഡർ സൂ ഫെയ്‌ഹോങ് തിങ്കളാഴ്ച പറഞ്ഞു.(India, China should jointly counter Washington's unfair tariffs, says Chinese envoy )
ഇന്ത്യയും ചൈനയും ഭീകരതയുടെ ഇരകളാണെന്നും വെല്ലുവിളിയെ നേരിടാൻ ഇന്ത്യ ഉൾപ്പെടെയുള്ള അന്താരാഷ്ട്ര സമൂഹവുമായി പ്രവർത്തിക്കാൻ ചൈന തയ്യാറാണെന്നും സൂ കൂട്ടിച്ചേർത്തു.
ജപ്പാനെതിരായ ചൈനയുടെ വിജയത്തിന്റെ 80-ാം വാർഷികത്തോടനുബന്ധിച്ച് സംഘടിപ്പിച്ച ഒരു പരിപാടിയിൽ നടത്തിയ പ്രസംഗത്തിന് ശേഷം ഇന്ത്യയിലെ ചൈനീസ് പ്രതിനിധി ചോദ്യങ്ങൾക്ക് മറുപടി നൽകുകയായിരുന്നു.