മുംബൈ: അനുവദനീയമായ ശബ്ദ പരിധിക്കപ്പുറം ഉച്ചഭാഷിണികളും ശബ്ദസംവിധാനങ്ങളും ഉപയോഗിക്കുന്നത് ഗണേശോത്സവത്തിൽ ദോഷകരമാണെങ്കിൽ ഈദ്-നബിദിന ഘോഷയാത്രകളിലും അതേഫലം തന്നെയാണുണ്ടാവുകയെന്ന് ബോംബെ ഹൈകോടതി. ഈദ്, നബിദിനം എന്നീ ആഘോഷവേളകളിൽ ഡി.ജെ, ലേസർ ലൈറ്റുകൾ എന്നിവയുടെ ഉപയോഗം നിരോധിക്കണമെന്ന് ആവശ്യപ്പെട്ട് സമർപിച്ച ഒരു കൂട്ടം പൊതുതാൽപര്യ ഹരജികൾ പരിഗണിക്കവെ ചീഫ് ജസ്റ്റിസ് ഡി.കെ ഉപാധ്യായ, ജസ്റ്റിസ് അമിത് ബോർക്കർ എന്നിവരടങ്ങിയ ഡിവിഷൻ ബെഞ്ചാണ് ഇക്കാര്യം പറഞ്ഞത്.