ബീഹാർ : ഭാര്യയുടെ അവിഹിത ബന്ധം കണ്ടെത്തിയതിനു പിന്നാലെ പ്രകോപിതനായ ഭർത്താവ് യുവതിയെ മഴു കൊണ്ട് വെട്ടി കൊലപ്പെടുത്തി. സംഭവം അറിഞ്ഞ പോലീസ് രണ്ടു മണിക്കൂറിനുള്ളിൽ കുറ്റാരോപിതനായ ഭർത്താവിനെ അറസ്റ്റ് ചെയ്തതായാണ് റിപ്പോർട്ട്. ബിഹാറിലെ മോത്തിഹാരിയിൽ, പിപ്ര കോത്തി പോലീസ് സ്റ്റേഷൻ പരിധിയിലെ ഝാഖ്ര ഗ്രാമത്തിലാണ് സംഭവം.
ദുമാരിയ ഘട്ട് പോലീസ് സ്റ്റേഷൻ പരിധിയിലെ ഖേദൽപുര ഗ്രാമത്തിൽ താമസിക്കുന്ന സുബോധ് മാജിയുടെ ഭാര്യയായ 30 കാരിയായ മാൽതി ദേവിയാണ് ദാരുണമായി കൊല്ലപ്പെട്ടത്. ഏകദേശം 7 വർഷം മുമ്പാണ് മാൽതി സുബോധ് മാജിയെ വിവാഹം കഴിച്ചതെന്ന് പറയപ്പെടുന്നു. വിവാഹശേഷം അവർ മാതാപിതാക്കളുടെ വീട്ടിലാണ് താമസിച്ചിരുന്നത്. അവർക്ക് അഞ്ച് വയസ്സുള്ള ഒരു മകനുമുണ്ട്.
അഞ്ച് ദിവസം മുമ്പ് സുബോധ് തന്റെ ഭർതൃവീട്ടിൽ വന്ന് വീടിന് പുറത്ത് ഉറങ്ങിക്കിടന്നപ്പോഴാണ് ഭാര്യ മറ്റൊരാളുമായി കിടക്ക പങ്കിടുന്നത് കിടക്കുന്നത് കണ്ടത്. ഇതിൽ പ്രകോപിതനായ പ്രതി ഭാര്യയെ മഴു ഉപയോഗിച്ച് വെട്ടിക്കൊലപ്പെടുത്തുകയായിരുന്നു. കുറ്റകൃത്യം ചെയ്ത ശേഷം അയാൾ സ്ഥലത്തുനിന്ന് ഓടി രക്ഷപ്പെട്ടു.
സംഭവത്തെക്കുറിച്ച് വിവരം ലഭിച്ചതിനെത്തുടർന്ന് പോലീസ് സ്ഥലത്തെത്തി ഉടനടി നടപടി സ്വീകരിച്ചു. മുഫാസിൽ പോലീസ് സ്റ്റേഷൻ പരിധിയിലെ ബങ്കാറ്റിൽ നിന്ന് പ്രതിയെ അറസ്റ്റ് ചെയ്തു. കൊലപാതകത്തിന് ഉപയോഗിച്ച മഴുവും പോലീസ് കണ്ടെടുത്തു. ഭാര്യയുടെ അവിഹിത ബന്ധത്തിൽ കുപിതനായ ഭർത്താവ് ഭാര്യയെ കോടാലി കൊണ്ട് വെട്ടി കൊലപ്പെടുത്തുകയായിരുന്നു എന്ന എസ്പി സ്വർണ് പ്രഭാത് പറഞ്ഞു.