ഗൊരഖ്പൂർ: ഉത്തർപ്രദേശിലെ ഗൊരഖ്പൂരിൽ ഭാര്യയെ കൊലപ്പെടുത്തി വീടിന് പിന്നിൽ ആറടി താഴ്ചയുള്ള കുഴിയിൽ കുഴിച്ചുമൂടിയ ഭർത്താവ് അറസ്റ്റിൽ (Murder). ലുധിയാനയിൽ തൊഴിലാളിയായ അർജുനാണ് ഭാര്യ ഖുശ്ബുവിനെ (22) കൊലപ്പെടുത്തിയത്. അർജുൻ ഡിസംബർ 21-ന് വീട്ടിലെത്തിയപ്പോൾ ഭാര്യ ഒളിപ്പിച്ചു വെച്ചിരുന്ന മൊബൈൽ ഫോൺ ഉപയോഗിക്കുന്നത് കണ്ടതാണ് കൊലപാതകത്തിന് കാരണമായത്. ഫോൺ ഉപയോഗത്തെച്ചൊല്ലിയുള്ള തർക്കം രൂക്ഷമായതോടെ അർജുൻ ഭാര്യയെ ശ്വാസം മുട്ടിച്ച് കൊലപ്പെടുത്തുകയായിരുന്നു.
കൊലപാതകത്തിന് ശേഷം തെളിവ് നശിപ്പിക്കാനായി മൃതദേഹം ഒരു ഫോൾഡിംഗ് കട്ടിലിനോടൊപ്പം വീടിന് പിന്നിൽ കുഴിച്ചുമൂടി. തുടർന്ന് ഭാര്യയെ കാണാനില്ലെന്ന് വീട്ടുകാരെ വിശ്വസിപ്പിച്ചു. എന്നാൽ പെൺകുട്ടിയുടെ അച്ഛൻ നൽകിയ പരാതിയിൽ പോലീസ് അർജുനെ ചോദ്യം ചെയ്തപ്പോൾ, ഭാര്യ ആത്മഹത്യ ചെയ്തെന്നും താൻ മൃതദേഹം പുഴയിൽ എറിഞ്ഞെന്നും പറഞ്ഞ് പോലീസിനെ തെറ്റിദ്ധരിപ്പിച്ചു. എന്നാൽ പോലീസ് നടത്തിയ വിശദമായ ചോദ്യം ചെയ്യലിൽ പ്രതി കുറ്റം സമ്മതിക്കുകയും മൃതദേഹം വീടിന് പിന്നിൽ നിന്ന് കണ്ടെത്തുകയുമായിരുന്നു.
രണ്ട് വർഷം മുൻപായിരുന്നു ഇവരുടെ വിവാഹം. ഭാര്യയ്ക്ക് മറ്റാരോടും ബന്ധമുണ്ടെന്ന സംശയമാണ് കൊലപാതകത്തിലേക്ക് നയിച്ചതെന്ന് പോലീസ് പറഞ്ഞു. പ്രതിയെ അറസ്റ്റ് ചെയ്തതായും മൃതദേഹം പോസ്റ്റ്മോർട്ടത്തിനായി അയച്ചതായും ഗൊരഖ്പൂർ പോലീസ് അറിയിച്ചു.
A man named Arjun was arrested in Gorakhpur, Uttar Pradesh, for murdering his wife, Khushboo, over her secret use of a mobile phone. After strangling her during a heated argument, Arjun buried the body along with a folding cot in a six-foot pit behind their house, later attempting to mislead police by claiming she had died by suicide and was thrown into a river.