ഹൂഗ്ലി: പശ്ചിമ ബംഗാളിലെ ഹൂഗ്ലി ജില്ലയിൽ അടച്ചുപൂട്ടിയ ഫാക്ടറി പരിസരത്ത് 16 വയസ്സുകാരി കൂട്ടബലാത്സംഗത്തിനിരയായി (Hooghly Minor Gangrape). സംഭവവുമായി ബന്ധപ്പെട്ട് തൃണമൂൽ കോൺഗ്രസ് പ്രാദേശിക യുവജന നേതാവ് ഉൾപ്പെടെ രണ്ട് പേരെ പോലീസ് അറസ്റ്റ് ചെയ്തു. ഹൂഗ്ലിയിലെ അടച്ചുപൂട്ടിയ 'ഹിന്ദ്മോട്ടോർ' ഫാക്ടറി പരിസരത്ത് വ്യാഴാഴ്ച വൈകുന്നേരമാണ് അതിക്രമം നടന്നത്.
അറസ്റ്റിലായവരിൽ ഒരാൾ പ്രദേശത്തെ തൃണമൂൽ കോൺഗ്രസ് യുവജന നേതാവായ ദീപാങ്കർ അധികാരി (സോനായി) ആണെന്ന് പോലീസ് തിരിച്ചറിഞ്ഞു. പിടിയിലായ രണ്ടാമൻ പെൺകുട്ടിയുടെ സുഹൃത്തായ ഒരു പ്രായപൂർത്തിയാകാത്ത ആൺകുട്ടിയാണ്. മറ്റ് രണ്ട് പ്രതികൾക്കായി പോലീസ് തിരച്ചിൽ ഊർജ്ജിതമാക്കിയിട്ടുണ്ട്. ഇവർ നിലവിൽ ഒളിവിലാണെന്ന് മുതിർന്ന പോലീസ് ഉദ്യോഗസ്ഥൻ അറിയിച്ചു.
വ്യാഴാഴ്ച വൈകുന്നേരം സുഹൃത്തിനൊപ്പം ഫാക്ടറി പരിസരത്തെത്തിയ പെൺകുട്ടിയെ പ്രതികൾ വളയുകയും ക്രൂരമായി ലൈംഗികമായി ഉപദ്രവിക്കുകയുമായിരുന്നു എന്നാണ് പരാതി. കുറ്റാരോപിതർക്കെതിരെ പോക്സോ നിയമപ്രകാരമുള്ള വകുപ്പുകൾ ചുമത്തിയിട്ടുണ്ട്. ശനിയാഴ്ച പ്രതികളെ തിരിച്ചറിയൽ പരേഡിന് വിധേയമാക്കും. പ്രതിയുടെ രാഷ്ട്രീയ ബന്ധം ചൂണ്ടിക്കാട്ടി ബിജെപി ഉൾപ്പെടെയുള്ള പ്രതിപക്ഷ പാർട്ടികൾ ഭരണകക്ഷിയായ തൃണമൂൽ കോൺഗ്രസിനെതിരെ ശക്തമായ പ്രതിഷേധവുമായി രംഗത്തെത്തിയിട്ടുണ്ട്.
A 16-year-old girl was allegedly gang-raped in an abandoned factory in West Bengal's Hooghly district, leading to the arrest of two individuals, including a local Trinamool Congress youth leader. The police have registered a case under the POCSO Act and are searching for two more accomplices who fled the scene. This incident has sparked a political outcry in the state, with opposition parties criticizing the local administration for the deteriorating law and order situation.