സഹാരൻപൂർ: ഉത്തരാഖണ്ഡ് പോലീസിന്റെ കണ്ണുവെട്ടിച്ച് രക്ഷപ്പെടാൻ ശ്രമിച്ച ക്രിമിനലുകൾ ഓടിച്ച കാറിടിച്ച് യുപിയിൽ ബൈക്ക് യാത്രികൻ കൊല്ലപ്പെട്ടു (Hit and Run Case). സഹാരൻപൂരിലെ ദെഹത് കോട്വാലി മേഖലയിൽ ശനിയാഴ്ചയാണ് സംഭവം നടന്നത്. മായാഹെഡി സ്വദേശിയായ ശീതൾ (42) ആണ് മരിച്ചത്. ഉത്തരാഖണ്ഡിൽ നിന്നും പ്രതികളെ പിന്തുടർന്നെത്തിയ പോലീസ് സംഘം അതിർത്തി കടന്ന് ഉത്തർപ്രദേശിലെ സഹാരൻപൂരിൽ വെച്ച് ഇവരെ വളയാൻ ശ്രമിക്കുകയായിരുന്നു.
ഷെയ്ഖ്പുര ഖദീമിന് സമീപം പോലീസ് ബാരിക്കേഡുകൾ കണ്ട് പരിഭ്രാന്തരായ പ്രതികൾ കാർ അതിവേഗത്തിൽ പിന്നോട്ടെടുത്തു. ഈ സമയത്താണ് പിന്നിലുണ്ടായിരുന്ന ശീതളിന്റെ ബൈക്കിൽ കാർ ഇടിച്ചത്. ഇടിയുടെ ആഘാതത്തിൽ റോഡിലേക്ക് തെറിച്ചുവീണ ഇദ്ദേഹത്തെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടമുണ്ടാക്കിയ ശേഷം പ്രതികൾ കാറോടിച്ചു പോയി. ഇവരെ കണ്ടെത്താനായി സിസിടിവി ദൃശ്യങ്ങൾ പരിശോധിച്ച് വരികയാണെന്നും അന്വേഷണം ഊർജിതമാക്കിയെന്നും പോലീസ് അറിയിച്ചു.
A 42-year-old man lost his life in Saharanpur after being hit by a car driven by criminals attempting to evade the Uttarakhand Police. The suspects reversed their vehicle at high speed upon seeing police barricades, fatally striking the victim's motorcycle. Authorities are currently using CCTV footage to identify and arrest the suspects who fled the scene.