കനത്ത മഴ: കേദാർനാഥ് ധാം യാത്ര വീണ്ടും നിർത്തിവച്ച് രുദ്രപ്രയാഗ് ജില്ലാ ഭരണകൂടം; ആഗസ്റ്റ് 12 മുതൽ 14 വരെ യാത്രാവിലക്ക് | Kedarnath Dham

ഡെറാഡൂൺ: കനത്ത മഴയെ തുടർന്ന് കേദാർനാഥ് ധാം യാത്ര വീണ്ടും നിർത്തിവച്ച് രുദ്രപ്രയാഗ് ജില്ലാ ഭരണകൂടം(Kedarnath Dham). കാലാവസ്ഥാ വകുപ്പ് മുന്നറിയിപ്പ് നൽകിയതിനെത്തുടർന്നാണ് നടപടി.

ആഗസ്റ്റ് 12 മുതൽ 14 വരെ 3 ദിവസത്തേക്കാണ് യാത്രാ വിലക്ക് ഏർപ്പെടുത്തിയിരിക്കുന്നത്. എന്നാൽ സോൻപ്രയാഗിലെത്തിയ തീർത്ഥാടകർ അവിടെ തന്നെ തുടരാനാണ് നിർദേശം.

അതേസമയം മുൻകരുതൽ നടപടികളുടെ ഭാഗമായി സോൻപ്രയാഗിൽ പോലീസ് ബാരിക്കേഡുകൾ സ്ഥാപിച്ചു. തീർത്ഥാടകരുടെ സുരക്ഷയ്ക്കായി ക്രമീകരണങ്ങൾ ശക്തമാക്കിയതായി ഭരണകൂടം അറിയിച്ചു.