മുംബൈ: രാത്രി മുതൽ തുടരുന്ന കനത്ത മഴയിൽ നഗരം വെള്ളത്തിനടിയിലായി(Heavy rains). സൗത്ത് മുംബൈ ഉൾപ്പെടെ നിരവധി പ്രദേശങ്ങളിൽ മഴയെ തുടർന്ന് റോഡ് ഗതാഗതം തടസ്സപെട്ടു. മഴ അന്ധേരി സബ്‌വേ അടച്ചു.
മഴ ശക്തമായതോടെ കിംഗ്സ് സർക്കിൾ, സിയോൺ, ബൈക്കുള, മഹാലക്ഷ്മി, പെദ്ദാർ റോഡ് എന്നിവിടങ്ങളിൽ വെള്ളക്കെട്ട് രൂപപെട്ടതോടെ ജനങ്ങൾ ദുരിതത്തിലായി.
കുർള റെയിൽവേ സ്റ്റേഷനിലെ ട്രാക്കുകളിൽ വെള്ളം കയറിയതോടെ തീവണ്ടി ഗതാഗതവും തടസ്സപെട്ടു. അതേസമയം ഇന്ന് മുംബൈ, താനെ, പാൽഘർ എന്നിവിടങ്ങളിൽ റെഡ് അലേർട്ടും, റായ്ഗഡിൽ ഓറഞ്ച് അലർട്ടുമാണ് പ്രഖ്യാപിച്ചിട്ടുള്ളത്.