മുംബൈ: മുംബൈ ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളത്തിൽ കൊച്ചിയിൽ നിന്നുള്ള എയർ ഇന്ത്യ വിമാനം ഹാർഡ് ലാൻഡിംഗ് നടത്തിയതിനെ തുടർന്ന് പ്രാഥമിക റൺവേ അടച്ചു(Air India). റൺവേയിൽ ചെറിയ വിള്ളലുകൾ കണ്ടെത്തിയതിനെ തുടർന്നാണ് നടപടി.
പകരം സെക്കൻഡറി റൺവേ ലാൻഡിങ്ങിന് സജ്ജമാക്കി. ഇന്ന് രാവിലെ 9:27 നാണ് എയർ ഇന്ത്യയുടെ എഐ-2744 വിമാനം കനത്ത മഴയെ തുടർന്ന് ഹാർഡ് ലാൻഡിംഗ് നടത്തിയത്. അതേസമയം യാത്രക്കാരെല്ലാവരും സുരക്ഷിതരാണെന്ന് എയർ ഇന്ത്യ വക്താവ് അറിയിച്ചു.