ന്യൂഡൽഹി: വിജയ ദശമി ദിനമായ ഒക്ടോബർ 2 ന് അതിശക്തമായ മഴയ്ക്ക് സാധ്യതയുള്ളതിനാൽ കൊൽക്കത്തയിൽ അതീവ ജാഗ്രതാ നിർദേശം പുറപ്പെടുവിച്ചു(Heavy rain). ഇതേ തുടർന്ന് പശ്ചിമ ബംഗാളിന്റെ തെക്കൻ പ്രദേശങ്ങളിൽ കനത്ത കാലാവസ്ഥാ മുന്നറിയിപ്പ് നൽകിയിട്ടുണ്ട്.
ഒക്ടോബർ 1 ഓടെ മധ്യ ബംഗാൾ ഉൾക്കടലിൽ ഒരു താഴ്ന്ന മർദ്ദം രൂപപ്പെടാൻ സാധ്യതയുള്ളതായി കാലാവസ്ഥ നിരീക്ഷണ കേന്ദ്രം അറിയിച്ചിട്ടുണ്ട്. അതേസമയം കൊൽക്കത്ത നിവാസികൾക്കിടയിൽ ഈ മഴ മുന്നറിയിപ്പ് കനത്ത ആശങ്ക ഉണ്ടാക്കിയിട്ടുണ്ട്.