ഗുരുഗ്രാം: ഗുരുഗ്രാമിൽ മോഷണക്കേസിൽ പിടിയിലായ യുവാവിനെ ലോക്കപ്പിൽ തൂങ്ങിമരിച്ച നിലയിൽ കണ്ടെത്തി (Gurugram Custodial Death). ആസിഫ് ഇക്ബാലാണ് (22) മരണപ്പെട്ടത്. യുവാവിനെ ലോക്കപ്പിൽ തൂങ്ങിമരിച്ച സംഭവത്തിൽ ഗുരുഗ്രാം പോലീസ് കൊലക്കുറ്റത്തിന് കേസെടുത്തു. ബന്ധുക്കളുടെ പരാതിയെത്തുടർന്നാണ് ഉദ്യോഗസ്ഥർക്കെതിരെ എഫ്ഐആർ രജിസ്റ്റർ ചെയ്തത്. സംഭവവുമായി ബന്ധപ്പെട്ട് ഫറൂഖ് നഗർ ക്രൈം ബ്രാഞ്ചിലെ നാല് പോലീസ് ഉദ്യോഗസ്ഥരെ സ്ഥലം മാറ്റുകയും ചെയ്തു.
രാജസ്ഥാനിലെ ഭിവാഡി സ്വദേശിയായ ആസിഫിനെ വെള്ളിയാഴ്ചയാണ് പോലീസ് അറസ്റ്റ് ചെയ്തത്. തണുപ്പകറ്റാൻ നൽകിയ പുതപ്പിന്റെ കവർ ഉപയോഗിച്ച് ലോക്കപ്പിലെ വെന്റിലേറ്റർ ഗ്രില്ലിൽ ഇയാൾ തൂങ്ങിമരിക്കുകയായിരുന്നുവെന്നാണ് പോലീസ് പറയുന്നത്. ആസിഫിനെ വിട്ടയയ്ക്കാൻ പോലീസ് നാല് ലക്ഷം രൂപ കൈക്കൂലി ചോദിച്ചതായും പണം നൽകിയില്ലെങ്കിൽ കൊന്നു കളയുമെന്ന് ഭീഷണിപ്പെടുത്തിയതായും ബന്ധുക്കൾ ആരോപിച്ചു. പോലീസ് മർദനത്തിലാണ് മരണം സംഭവിച്ചതെന്നും വിവരം മറച്ചുവെക്കാൻ അധികൃതർ ശ്രമിച്ചതായും ഇവർ കുറ്റപ്പെടുത്തി.
മജിസ്ട്രേറ്റിന്റെ സാന്നിധ്യത്തിൽ പോസ്റ്റ്മോർട്ടം നടപടികൾ പൂർത്തിയാക്കി. പ്രാഥമിക റിപ്പോർട്ട് പ്രകാരം തൂങ്ങിമരണമാണെന്ന് സൂചനയുണ്ടെങ്കിലും വിശദമായ അന്വേഷണത്തിനായി വിസറ റിപ്പോർട്ടുകൾക്കായി കാത്തിരിക്കുകയാണ്. ക്രൈം ബ്രാഞ്ച് ഉദ്യോഗസ്ഥർക്കെതിരെ വകുപ്പുതല അന്വേഷണവും ആരംഭിച്ചു. ആസിഫ് ഇക്ബാലിനെതിരെ ഡൽഹി, ഹരിയാന എന്നിവിടങ്ങളിലായി എട്ടോളം മോഷണക്കേസുകൾ നിലവിലുണ്ടായിരുന്നുവെന്ന് പോലീസ് അറിയിച്ചു.
A 22-year-old theft accused, Aasif Iqbal, died by alleged suicide in the Farrukhnagar crime branch lockup in Gurugram on December 26, 2025. Following protests by his family, who alleged custodial torture and a bribe demand of ₹4 lakh, Gurugram police registered a murder case against unidentified personnel. Four police officers have been transferred to police lines as a judicial inquiry continues to determine the exact circumstances of the death.