ബീഹാർ : ഭോജ്പൂരിലെ ബിഹിയ റെയിൽവേ സ്റ്റേഷന് സമീപം ഒരു പെൺകുട്ടിയെ ക്രൂര ബലാത്‌സംഗത്തിന് ഇരയാക്കിയശേഷം റോഡരികിൽ ഉപേക്ഷിച്ചതായി റിപ്പോർട്ട്. പെൺകുട്ടിയുടെ ശരീരത്തിൽ വസ്ത്രങ്ങളൊന്നും ഉണ്ടായിരുന്നില്ലെന്നും, അക്രമികൾ അവളെ ബലാത്സംഗം ചെയ്തതായി സംശയിക്കുന്നതായും പോലീസ് പറഞ്ഞു. അതേസമയം, പെൺകുട്ടി മാനസിക വിഭ്രാന്തിയുള്ളയാളാണെന്ന് പറയപ്പെടുന്നു.
സംഭവത്തെക്കുറിച്ചുള്ള വിവരം ലഭിച്ചയുടൻ ഡയൽ 112 പോലീസ് സംഘം സ്ഥലത്തെത്തി പെൺകുട്ടിയെ കൂടെ കൊണ്ടുപോയി. സംഭവസ്ഥലത്ത് നിന്ന് ഒരു യുവാവിനെയും കസ്റ്റഡിയിലെടുത്തിട്ടുണ്ട്, ഇയാളെ റെയിൽവേ പോലീസിന് കൈമാറി. ഒന്നിലധികം പേർ പെൺകുട്ടിയെ ബലാത്സംഗം ചെയ്തിട്ടുണ്ടെന്ന് പോലീസ് സംശയിക്കുന്നു.
കുറ്റകൃത്യം നടന്ന സ്ഥലത്തിന് സമീപത്ത് നിന്ന് പെൺകുട്ടിയുടെ വസ്ത്രങ്ങളും കണ്ടെടുത്തിട്ടുണ്ട്. നിലവിൽ ഈ വിഷയത്തിൽ പോലീസ് ഒന്നും പറയുന്നില്ല, കസ്റ്റഡിയിലെടുത്ത യുവാവിനെയും ചോദ്യം ചെയ്തു വരികയാണ്-പോലീസ് പറഞ്ഞു.