ജയ്പൂർ: പത്താമത് വിമുക്തഭട ദിനാചരണത്തോടനുബന്ധിച്ച് വിമുക്തഭടന്മാർക്കും അവരുടെ കുടുംബങ്ങൾക്കും ആശംസകൾ നേർന്ന് കരസേനാ മേധാവി ജനറൽ ഉപേന്ദ്ര ദ്വിവേദി (General Upendra Dwivedi). ജയ്പൂരിൽ നടന്ന ചടങ്ങിൽ സംസാരിക്കുകയായിരുന്നു അദ്ദേഹം. രാജ്യം വെല്ലുവിളികൾ നേരിട്ടപ്പോഴെല്ലാം വിമുക്തഭടന്മാർ മാതൃകാപരമായ പങ്കാണ് വഹിച്ചിട്ടുള്ളതെന്നും വികസിത ഭാരതം കെട്ടിപ്പടുക്കുന്നതിൽ അവർ നിർണ്ണായകമായ അടിത്തറ പാകുകയാണെന്നും അദ്ദേഹം പറഞ്ഞു.
2025 മേയിൽ പഹൽഗാം ഭീകരാക്രമണത്തിന് മറുപടിയായി ആരംഭിച്ച 'ഓപ്പറേഷൻ സിന്ദൂർ' (Operation Sindoor) വേളയിൽ വിമുക്തഭടന്മാർ നൽകിയ വിലമതിക്കാനാവാത്ത പിന്തുണയെ അദ്ദേഹം പ്രത്യേകം പ്രശംസിച്ചു. വിരമിച്ച സൈനികരുടെ ക്ഷേമത്തിനായി ആരംഭിച്ച സിംഗിൾ വിൻഡോ സംവിധാനമായ VSK+ (Veerangana Sewa Kendra Plus) പദ്ധതിയുടെ വിജയത്തെക്കുറിച്ചും അദ്ദേഹം സംസാരിച്ചു. പ്രതിദിനം 700-800 പരാതികൾ പരിഹരിക്കുന്ന ഈ സംവിധാനത്തിലൂടെ 2025-ൽ മാത്രം 32 കോടി രൂപ വിതരണം ചെയ്തു. 1953 ജനുവരി 14-ന് ഫീൽഡ് മാർഷൽ കെ.എം കരിയപ്പ വിരമിച്ചതിന്റെ സ്മരണയ്ക്കായിട്ടാണ് എല്ലാ വർഷവും ജനുവരി 14 വിമുക്തഭട ദിനമായി ആചരിക്കുന്നത്.
On the occasion of the 10th Armed Forces Veterans Day in Jaipur, COAS General Upendra Dwivedi lauded the contributions of ex-servicemen in nation-building and their vital role during "Operation Sindoor" launched in 2025. He highlighted the success of the VSK+ (Veerangana Sewa Kendra Plus) project, a single-window grievance redressal system that resolved 97% of complaints and disbursed ₹32 crore in 2025. The day honors the legacy of Field Marshal KM Cariappa, who retired on this day in 1953, marking a commitment to the welfare of those who served.