വാരണാസി: വാരണാസിയിൽ ഗംഗ നദി അപകടനിലയ്ക്കും മുകളിൽ കരകവിഞ്ഞൊഴുകുന്നതായി റിപ്പോർട്ട്(Ganga overflows). വാരണാസിയിൽ ഗംഗയുടെ മുന്നറിയിപ്പ് ലെവൽ 70.262 മീറ്ററാണ്. അതും കഴിഞ്ഞ് നിലവിൽ 70.87 മീറ്ററിലാണ് ഗംഗ ഒഴുകി കൊണ്ടിരിക്കുന്നത്.
ദിവസങ്ങളായി തുടരുന്ന കനത്ത മഴയെ തുടർന്ന് കാശിയിലെ 84 ഘട്ടുകളും ഇപ്പോൾ വെള്ളത്തിനടിയിലാണുള്ളത്. അസി ഘട്ടിൽ, വെള്ളപ്പൊക്കം റോഡുകളിലേക്ക് എത്തിയതിനാൽ തീരത്തുള്ളവർ കടകൾ ഒഴിഞ്ഞു പോയി. ദശാശ്വമേധ് ഘട്ടിലെ പ്രശസ്തമായ ഗംഗാ ആരതിയും മണികർണിക ഘട്ടിലെ ശവസംസ്കാര ചടങ്ങുകളും ഉയർന്ന പ്ലാറ്റ്‌ഫോമുകളിലാണ് നടത്തുന്നത്.