ഗാന്ധിനഗർ: വഡോദരയിലെ പദ്രയിലെ ഗംഭീര പാലം തകർന്ന സംഭവത്തെ തുടർന്ന് സുരക്ഷ മുൻനിർത്തി പരിശോധനയ്ക്ക് ശേഷം 36 പാലങ്ങൾ അടച്ചുപൂട്ടി(bridge). സംസ്ഥാന സർക്കാർ എല്ലാ ജില്ലാ കളക്ടർമാരോടും റോഡ്സ് ആൻഡ് ബിൽഡിംഗ്സ് വകുപ്പുമായി ഏകോപിപ്പിച്ച് നടത്തിയ പരിശോധനയെ തുടർന്നാണ് നടപടി.
നിർമാണത്തിൽ വീഴ്ച കണ്ടെത്തിയതിനെ തുടർന്ന് നാല് സർക്കാർ ഉദ്യോഗസ്ഥരെ സസ്‌പെൻഡ് ചെയ്യുകയും ചെയ്തു. ഗുജറാത്തിൽ 7,280 പാലങ്ങളാണ് ഉള്ളത്. ഇതിൽ 1,500-ലധികം വലിയ പാലങ്ങളും 5,000-ത്തിലധികം ചെറിയ പാലങ്ങളുമാണ് ഉള്ളത്. ഇവയിൽ എല്ലാം പരിശോധന തുടരാൻ നിർദേശം നൽകിയതായാണ് വിവരം.