പട്ന: പട്നയിലെ ബാർ പോലീസ് സ്റ്റേഷൻ പരിധിയിലുള്ള ഗണപതി റസ്റ്റോറന്റിൽ മദ്യലഹരിയിലായ നാലംഗ സംഘം വെയ്റ്ററെ ക്രൂരമായി മർദ്ദിച്ചു (Crime). ഭക്ഷണം കഴിക്കാനെത്തിയ നാല് യുവാക്കൾ വെയ്റ്ററായ ശിവത്തെയാണ് തല്ലിച്ചതച്ചത്. വിളമ്പിയ ഭക്ഷണം മോശമാണെന്ന് ആരോപിച്ചായിരുന്നു അക്രമം. ഈ സമയം റസ്റ്റോറന്റ് ഉടമ ജയപ്രകാശ് സിംഗിന്റെ മകൻ കൗണ്ടറിൽ ഉണ്ടായിരുന്നുവെങ്കിലും അക്രമികളെ തടയാനായില്ല.
റസ്റ്റോറന്റ് ഉടമയുടെ പരാതി പ്രകാരം, ഏതാനും ദിവസങ്ങൾക്ക് മുൻപ് ഈ സംഘം റസ്റ്റോറന്റിലെത്തി 5 ലക്ഷം രൂപ ഗുണ്ടാപ്പിരിവ് ആവശ്യപ്പെട്ടിരുന്നു. പണം നൽകാൻ വിസമ്മതിച്ചതിനെത്തുടർന്ന് റസ്റ്റോറന്റ് പൂട്ടിക്കുമെന്ന് ഇവർ ഭീഷണി മുഴക്കിയിരുന്നു. ഇതിന്റെ തുടർച്ചയായാണ് ബോധപൂർവ്വം ഭക്ഷണം മോശമാണെന്ന് ആരോപിച്ച് മർദ്ദനം നടത്തിയത് എന്നാണ് ഉടമ ആരോപിക്കുന്നത്. മർദ്ദനത്തിന് ശേഷം അക്രമികൾ സ്ഥലത്തുനിന്നും കടന്നുകളഞ്ഞു.
പോലീസ് സംഭവസ്ഥലത്തെത്തി അന്വേഷണം ആരംഭിച്ചെങ്കിലും ഉടമയും അക്രമികളും ഒരേ ഗ്രാമത്തിൽ നിന്നുള്ളവരാണെന്ന് കണ്ടെത്തിയിട്ടുണ്ട്. ഭക്ഷണം സംബന്ധിച്ച തർക്കമാണ് മർദ്ദനത്തിലേക്ക് നയിച്ചതെന്നും പിരിവ് ആവശ്യപ്പെട്ട കാര്യം അന്വേഷിച്ചു വരികയാണെന്നും പോലീസ് വ്യക്തമാക്കി. കൂടുതൽ തെളിവുകൾക്കായി റസ്റ്റോറന്റിലെ സിസിടിവി ദൃശ്യങ്ങൾ പോലീസ് പരിശോധിക്കുന്നുണ്ട്.
Four intoxicated youths allegedly assaulted a waiter at Ganpati Restaurant in the Barh area of Patna after claiming the food was of poor quality. The restaurant owner claimed that the same group had previously demanded ₹5 lakh in extortion, and the attack was a retaliatory act for refusing to pay. However, local police stated that the dispute primarily seemed to be over the food quality as both parties belong to the same village, though a full investigation is underway.