ശിവകാശി: തമിഴ്‌നാട്ടിലെ വിരുദുനഗർ ജില്ലയിലെ ശിവകാശിയിൽ പടക്കനിർമ്മാണശാലയിലുണ്ടായ സ്‌ഫോടനത്തിൽ മരണം 7 ആയി(explosion). കൊല്ലപ്പെട്ടവരിൽ രണ്ട് സ്ത്രീകളും ഉൾപ്പെടുന്നുണ്ട്.
അപകടത്തിൽ കുട്ടികൾ ഉൾപ്പടെ നിരവധി പേർക്ക് പരിക്കേറ്റതായാണ് വിവരം. ഇതിൽ 4 പേർ അതീവ ഗുരുതരാവസ്ഥയിൽ തുടരുകയാണ്. സംഭവ സമയത്ത് 30 ഓളം തൊഴിലാളികൾ യൂണിറ്റിൽ ഉണ്ടായിരുന്നു.
ഇന്ന് രാവിലെയാണ് പടക്ക നിർമാണ ശാലയിൽ അപകടമുണ്ടായത്. സ്ഫോടനത്തെ തുടർന്ന് മൂന്ന് നില കെട്ടിടം പൂർണ്ണമായും തകർന്നു. സംഭവ സ്ഥലത്ത് കളക്ടർ സന്ദർശനം നടത്തി സ്ഥിതിഗതികൾ വിലയിരുത്തി.