റാഞ്ചി: ജാർഖണ്ഡിൽ പടക്കക്കടയിലുണ്ടായ തീപിടുത്തത്തിൽ മൂന്ന് കുട്ടികൾ ഉൾപ്പെടെ അഞ്ച് പേർ വെന്തുമരിച്ചു (Fire breaks out at firecracker shopFire breaks out at firecracker shop).രങ്ക പോലീസ് സ്റ്റേഷൻ പരിധിയിലുള്ള കൊദർമാന ബസാറിൽ പ്രവർത്തിച്ചിരുന്ന പടക്ക കടയിലാണ് അഗ്നിബാധ ഉണ്ടായത്. വളരെ വേഗം തന്നെ തീ കട മുഴുവൻ പടർന്നു പിടിച്ചു. അപകടത്തിൽ മൂന്ന് കുട്ടികൾ ഉൾപ്പെടെ അഞ്ച് പേർക്ക് പരിക്കേറ്റു, ഇവർ സംഭവസ്ഥലത്ത് വച്ച് തന്നെ മരണപ്പെട്ടതായാണ് റിപ്പോർട്ട്.തീപിടുത്തത്തെക്കുറിച്ചുള്ള വിവരം ലഭിച്ചയുടൻ പോലീസും അഗ്നിശമന സേനയും ഉടൻ സ്ഥലത്തെത്തി.
അഞ്ച് പേരുടെയും മൃതദേഹങ്ങൾ കണ്ടെടുത്ത് പോസ്റ്റ്‌മോർട്ടത്തിനായി അയച്ചു. അതേസമയം, സംഭവത്തെക്കുറിച്ച് അറിഞ്ഞ മുഖ്യമന്ത്രി ഹേമന്ത് സോറൻ അനുശോചനം രേഖപ്പെടുത്തി. ഇരകളുടെ ആത്മാക്കൾക്ക് ശാന്തി നേരുന്നു. ദുഃഖിക്കുന്ന കുടുംബങ്ങൾക്ക് ദൈവം ശക്തി നൽകട്ടെ എന്നായിരുന്നു അദ്ദേഹം സമൂഹമാധ്യമങ്ങളിൽ കുറിച്ചത്. സംഭവത്തെക്കുറിച്ച് ജില്ലാ ഭരണകൂടം അന്വേഷണം നടത്തുന്നുണ്ടെന്ന് അദ്ദേഹം പറഞ്ഞു.