ഗോരഖ്പൂർ: ദേവരാജ്പരേറിയയിൽ സാമ്പത്തിക തർക്കത്തെ തുടർന്ന് ഭർത്താവ്, അധ്യാപികയായ ഭാര്യയെ മകന്റെ മുന്നിൽ വച്ച് കല്ല് പൊടിക്കുന്ന യന്ത്രം ഉപയോഗിച്ച് അടിച്ചു കൊന്നു(murder). ഗോളയിലെ കസ്തൂർബ ഗാന്ധി വിദ്യാലയത്തിലെ അധ്യാപിക ആശയെയാണ് കൊല്ലപ്പെട്ട നിലയിൽ കണ്ടെത്തിയത്.
സംഭവത്തിൽ ഭർത്താവ് രവി പ്രതാപിനെ പോലീസ് അറസ്റ്റ് ചെയ്തു. ഇരുവരും തമ്മിൽ സാമ്പത്തിക തർക്കം ഉണ്ടായിരുന്നതായി മകൻ മൊഴി നൽകി. ആശ എല്ലാ മാസവും 5,000 രൂപ ഭർത്താവിന് നൽകിയിരുന്നെങ്കിലും അടുത്തിടെ അദ്ദേഹം 15,000 രൂപ ആവശ്യപ്പെടാൻ തുടങ്ങിയിരുന്നു. ഇതാണ് തർക്കത്തിലേക്ക് നയിച്ചത്.
സംഭവത്തിൽ ഉർവ പോലീസ് കേസെടുത്ത് അന്വേഷണം ആരംഭിച്ചു. 2012 ലാണ് ദമ്പതികൾ വിവാഹിതരായത്.