തിരുവനന്തപുരം: ഇന്ത്യ-ശ്രീലങ്ക വനിതാ ട്വന്റി-20 പരമ്പരയിലെ അഞ്ചാമത്തെയും അവസാനത്തെയും മത്സരം ഇന്ന് തിരുവനന്തപുരം കാര്യവട്ടം ഗ്രീൻഫീൽഡ് സ്റ്റേഡിയത്തിൽ നടക്കും (India vs Sri Lanka Women's T20). വൈകിട്ട് 7:30-നാണ് മത്സരം ആരംഭിക്കുന്നത്. ആദ്യ നാല് മത്സരങ്ങളും ജയിച്ച് പരമ്പര നേരത്തെ തന്നെ സ്വന്തമാക്കിയ ഇന്ത്യ, അഞ്ചാം ജയത്തോടെ പരമ്പര തൂത്തുവാരാനാണ് ലക്ഷ്യമിടുന്നത്.
ഓപ്പണർമാരായ ഷഫാലി വർമ്മയും സ്മൃതി മന്ദാനയും മികച്ച ഫോമിലാണ്. ക്യാപ്റ്റൻ ഹർമൻപ്രീത് കൗർ, റിച്ച ഘോഷ് എന്നിവർ കൂടി ചേരുന്നതോടെ ഇന്ത്യൻ ബാറ്റിംഗ് നിര അതിശക്തമാണ്. 17-കാരി ജി. കമലിനി ഇന്ന് ഇന്ത്യക്കായി അരങ്ങേറ്റം കുറിച്ചേക്കും. ക്യാപ്റ്റൻ ചമാരി അത്തപ്പത്തു ഒഴികെ മറ്റ് താരങ്ങളാരും ഫോമിലല്ലാത്തത് ശ്രീലങ്കയ്ക്ക് തിരിച്ചടിയാണ്. നാട്ടിലേക്ക് മടങ്ങുന്നതിന് മുൻപ് ഒരു ആശ്വാസജയമെങ്കിലും നേടാനാണ് അവർ ശ്രമിക്കുന്നത്.
ദീപ്തി ശർമ, രേണുക താക്കൂർ, അരുന്ധതി റെഡ്ഢി എന്നിവരടങ്ങിയ ഇന്ത്യൻ ബൗളിംഗ് നിര ശ്രീലങ്കൻ ബാറ്റർമാർക്ക് വലിയ വെല്ലുവിളിയാകും.തിരുവനന്തപുരത്തെ ക്രിക്കറ്റ് ആരാധകർ ഇന്ന് കാര്യവട്ടത്ത് ഒരു റൺമഴ തന്നെയാണ് പ്രതീക്ഷിക്കുന്നത്.
The final match of the India-Sri Lanka Women's T20 series will be held today at the Greenfield Stadium in Kariyavattom, Thiruvananthapuram. Leading the series 4-0, India aims for a clean sweep to celebrate the New Year, while Sri Lanka struggles to find form for a consolation win. Key players like Shafali Verma, Smriti Mandhana, and Captain Harmanpreet Kaur are expected to shine, and 17-year-old G. Kamalini might make her debut for the Indian side.