ഫിറോസ്പൂർ: പഞ്ചാബിലെ ഫിറോസ്പൂർ ജില്ലയിൽ ഒരു കുടുംബത്തിലെ നാല് പേരെ വീടിനുള്ളിൽ മരിച്ച നിലയിൽ കണ്ടെത്തി (Ferozepur Murder). 42-കാരനായ അമൻദീപ് സിംഗ് തന്റെ ഭാര്യയെയും രണ്ട് പിഞ്ചുമക്കളെയും വെടിവെച്ചു കൊന്ന ശേഷം സ്വയം വെടിയുതിർത്ത് ആത്മഹത്യ ചെയ്യുകയായിരുന്നു എന്നാണ് പ്രാഥമിക നിഗമനം. വ്യാഴാഴ്ച രാവിലെയാണ് നാടിനെ നടുക്കിയ ഈ സംഭവം പുറംലോകമറിഞ്ഞത്.
അമൻദീപ് സിംഗ് (42), ഭാര്യ ജസ്വീർ കൗർ (40), മക്കളായ മൻവീർ കൗർ (10), പർമീത് കൗർ (6) എന്നിവരാണ് മരിച്ചത്. അമൻദീപ് സിംഗ് ഒരു ബിൽഡറായും ഫിനാൻസിയറായും പ്രവർത്തിക്കുകയായിരുന്നു. രാവിലെ വീട്ടിലെത്തിയ വീട്ടുജോലിക്കാരിയാണ് വീട് അകത്തുനിന്ന് പൂട്ടിയ നിലയിൽ കണ്ടെത്തിയത്. ഏറെ നേരം വിളിച്ചിട്ടും പ്രതികരണമില്ലാതായതോടെ അയൽവാസികളെയും പോലീസിനെയും വിവരമറിയിക്കുകയായിരുന്നു.
വാതിൽ പൊളിച്ച് അകത്തുകയറിയപ്പോഴാണ് രക്തത്തിൽ കുളിച്ച നിലയിൽ നാല് മൃതദേഹങ്ങളും കണ്ടെത്തിയത്. മൃതദേഹങ്ങൾക്ക് സമീപത്തുനിന്ന് പോലീസ് പിസ്റ്റൾ കണ്ടെടുത്തു. കൊലപാതകത്തിന് പ്രേരിപ്പിച്ച കാരണം എന്താണെന്ന് വ്യക്തമല്ലെന്നും സാമ്പത്തിക പ്രതിസന്ധിയുണ്ടായിരുന്നോ എന്ന് അന്വേഷിച്ചു വരികയാണെന്നും സീനിയർ സൂപ്രണ്ട് ഓഫ് പോലീസ് ഭൂപീന്ദർ സിംഗ് സിദ്ധു പറഞ്ഞു. ഫോറൻസിക് വിദഗ്ധർ സ്ഥലത്തെത്തി തെളിവുകൾ ശേഖരിച്ചു.
In a tragic incident in Punjab's Ferozepur district, a 42-year-old man allegedly shot dead his wife and two young daughters before turning the gun on himself. The deceased have been identified as Amandeep Singh, his wife Jasveer Kaur, and their daughters aged 10 and 6. The incident was discovered by the house help on Thursday morning when no one answered the door. While the police recovered the pistol from the scene, the motive behind this extreme step remains under investigation, with authorities looking into possible financial or personal distress.