റോഹ്താസ്: ബിഹാറിലെ റോഹ്താസ് ജില്ലയിൽ കർഷകനെ അജ്ഞാത അക്രമികൾ വെടിവെച്ച് കൊലപ്പെടുത്തി (Murder). ബികരംഗഞ്ച് പോലീസ് സ്റ്റേഷൻ പരിധിയിലെ വരുണ ഗ്രാമത്തിൽ ഞായറാഴ്ച വൈകുന്നേരം കർഷകൻ അഖിലേഷ് റായി (40) യാണ് കൊല്ലപ്പെട്ടത്. ഈ കൊലപാതകത്തിന് പിന്നിൽ മുൻവൈരാഗ്യമാണെന്നാണ് പോലീസിന്റെ പ്രാഥമിക നിഗമനം.
വൈകുന്നേരം തന്റെ കൃഷിയിടത്തേക്ക് പോകുന്നതിനിടെയാണ് അഖിലേഷ് ആക്രമിക്കപ്പെട്ടത്. അപ്രതീക്ഷിതമായി എത്തിയ അക്രമികൾ അഖിലേഷിന് വെടിയുതിർക്കുകയായിരുന്നു. സംഭവസ്ഥലത്ത് വെച്ച് തന്നെ അഖിലേഷ് മരണപ്പെട്ടിരുന്നു. കൃത്യം നടത്തിയ ശേഷം പ്രതികൾ സംഭവസ്ഥലത്ത് നിന്നും രക്ഷപ്പെട്ടിരുന്നു. അഖിലേഷിന് ചിലരുമായി ഭൂമിയുമായി ബന്ധപ്പെട്ടും വ്യക്തിപരമായും നേരത്തെ തർക്കങ്ങൾ നിലനിന്നിരുന്നതായി ബന്ധുക്കൾ പോലീസിനെ അറിയിച്ചു. ഈ മുൻവൈരാഗ്യമാണ് കൊലപാതകത്തിന് പ്രധാന കാരണമെന്ന് പോലീസ് കരുതുന്നു. പ്രതികളെ തിരിച്ചറിയുന്നതിനായി ബന്ധുക്കളിൽ നിന്നും വിശദമായ വിവരങ്ങൾ ശേഖരിച്ചുവരികയാണെന്ന് പോലീസ് അറിയിച്ചു.
A 40-year-old farmer, Akhilesh Rai, was fatally shot by unidentified assailants on Sunday evening in Varuna village, Rohtas district, Bihar, sparking fear and public discontent in the area.