ബിഹാർ : ബിഹാറിലെ മുസാഫർപൂരിൽ നിന്ന് ഹൃദയഭേദകമായ ഒരു വാർത്തയാണ് ഇപ്പോൾ പുറത്ത് വരുന്നത്. ഒരു 5 വയസ്സുള്ള കുട്ടിയെ , കഴുത്തും രണ്ട് കൈകളും രണ്ട് കാലുകളും ഒടിച്ച ശേഷം ക്രൂരമായി കൊലപ്പെടുത്തിയതായാണ് റിപ്പോർട്ട്. കഴിഞ്ഞ ദിവസം , വീട്ടിൽ നിന്ന് അഞ്ഞൂറ് മീറ്റർ അകലെയുള്ള ജനേരയുടെ വയലിൽ നിന്നാണ് കുട്ടിയുടെ മൃഅതദേഹം കണ്ടെത്തിയത്. നായ്ക്കൾ മൃതദേഹം കടിച്ചു കീറിയ അവസ്ഥയിലാണ് കണ്ടെത്തിയത്. ദുർഗന്ധം വമിച്ചതോടെ സമീപവാസികൾ നടത്തിയ തിരച്ചിലിലാണ് മൃതദേഹം കണ്ടെത്തിയത്.
ഔറൈയിലെ സർഹഞ്ചിയ ഗ്രാമത്തിൽ അത്താഴം കഴിക്കാൻ പോയ 5 വയസ്സുകാരൻ അമൻ കുമാറിനെ തട്ടിക്കൊണ്ടുപോയി ക്രൂരമായി കൊലപ്പെടുത്തിയതായാണ് പോലീസ് പറയുന്നത്. ആദ്യം അവന്റെ കഴുത്ത് ഒടിഞ്ഞു, പിന്നീട് അവന്റെ രണ്ട് കൈകളും രണ്ട് കാലുകളും ഒടിഞ്ഞു. തിങ്കളാഴ്ച, വീട്ടിൽ നിന്ന് അഞ്ഞൂറ് മീറ്റർ അകലെയുള്ള ജനേരയുടെ വയലിൽ നിന്നാണ് മൃതദേഹം കണ്ടെത്തിയത് എന്നും പോലീസ് പറഞ്ഞു. നിഷ്കളങ്കനായ കുട്ടിയുടെ മൃതദേഹം ഈ അവസ്ഥയിൽ കണ്ടെത്തിയതോടെ ഗ്രാമത്തിലെ മുഴുവൻ ആളുകളും രോഷാകുലരാണ്.
സംഭവസ്ഥലത്തെത്തിയ അമാന്റെ മാതാപിതാക്കൾ വസ്ത്രങ്ങളിൽ നിന്ന് കുട്ടിയെ തിരിച്ചറിഞ്ഞു. ഈ കേസിൽ നടപടി സ്വീകരിച്ച പോലീസ് പ്രതിയായ കിഷോർ സാഹ്നിയെ അറസ്റ്റ് ചെയ്തു. നിലവിൽ പോലീസ് മുഴുവൻ കാര്യങ്ങളും അന്വേഷിച്ചുകൊണ്ടിരിക്കുകയാണ്.