ന്യൂഡൽഹി: മഹാരാഷ്ട്ര ഉപമുഖ്യമന്ത്രി അജിത് പവാറിന്റെയും സഹയാത്രികരുടെയും അപ്രതീക്ഷിത മരണം അങ്ങേയറ്റം ഹൃദയഭേദകമാണെന്ന് ലോക്സഭയിലെ പ്രതിപക്ഷ നേതാവ് രാഹുൽ ഗാന്ധി. രാഷ്ട്രീയ വിയോജനങ്ങൾക്ക് അപ്പുറം പവാർ കുടുംബവുമായുള്ള വ്യക്തിപരമായ ബന്ധം അനുസ്മരിച്ചുകൊണ്ടായിരുന്നു അദ്ദേഹത്തിന്റെ പ്രതികരണം.(Extend my condolences to the entire Pawar family, Rahul Gandhi on Ajit Pawar's demise)
സോഷ്യൽ മീഡിയ പ്ലാറ്റ്ഫോമായ എക്സിലൂടെയാണ് രാഹുൽ ഗാന്ധി തന്റെ അനുശോചനം അറിയിച്ചത്. "മഹാരാഷ്ട്ര ഉപമുഖ്യമന്ത്രി ശ്രീ അജിത് പവാർ ജിയും സഹയാത്രികരും ഇന്ന് വിമാനാപകടത്തിൽ മരിച്ച വാർത്ത അങ്ങേയറ്റം ഹൃദയഭേദകമാണ്. ഈ ദുഃഖത്തിന്റെ നിമിഷത്തിൽ ഞാൻ മഹാരാഷ്ട്രയിലെ ജനങ്ങളോടൊപ്പം നിൽക്കുന്നു. മുഴുവൻ പവാർ കുടുംബത്തിനും അവരുടെ പ്രിയപ്പെട്ടവർക്കും എന്റെ അനുശോചനം അറിയിക്കുന്നു." - രാഹുൽ ഗാന്ധി
അജിത് പവാറിന്റെ മരണം മഹാരാഷ്ട്ര രാഷ്ട്രീയത്തിൽ വലിയൊരു വിടവ് സൃഷ്ടിക്കുമെന്നും പവാർ കുടുംബത്തിന് ഈ ആഘാതം താങ്ങാൻ കഴിയട്ടെ എന്നും അദ്ദേഹം കൂട്ടിച്ചേർത്തു.