ന്യൂഡൽഹി: 2026-ലെ ഇന്ത്യയുടെ റിപ്പബ്ലിക് ദിന (Republic Day) ആഘോഷങ്ങളിൽ മുഖ്യാതിഥികളായി യൂറോപ്യൻ യൂണിയൻ നേതാക്കൾ എത്തും. യൂറോപ്യൻ കമ്മീഷൻ പ്രസിഡന്റ് ഉർസുല വോൺ ഡെർ ലെയ്ൻ, യൂറോപ്യൻ കൗൺസിൽ പ്രസിഡന്റ് അന്റോണിയോ കോസ്റ്റ എന്നിവരാണ് പരേഡിൽ പങ്കെടുക്കുക. ഇന്ത്യയുടെ ക്ഷണം യൂറോപ്യൻ യൂണിയൻ ഔദ്യോഗികമായി സ്വീകരിച്ചു.
റിപ്പബ്ലിക് ദിനത്തിന് പിന്നാലെ ജനുവരി 27-ന് ഡൽഹിയിൽ വെച്ച് ഇന്ത്യ- യൂറോപ്യൻ യൂണിയൻ ഉച്ചകോടി നടക്കും. ഇന്ത്യയും യൂറോപ്യൻ യൂണിയനും തമ്മിലുള്ള സ്വതന്ത്ര വ്യാപാര കരാർ സംബന്ധിച്ച ചർച്ചകൾ ഈ സന്ദർശനത്തോടെ അന്തിമഘട്ടത്തിൽ എത്തുമെന്നാണ് പ്രതീക്ഷിക്കുന്നത്. വ്യാപാരം, പ്രതിരോധം, സാങ്കേതികവിദ്യ തുടങ്ങിയ മേഖലകളിൽ സഹകരണം വർദ്ധിപ്പിക്കാൻ ഈ സന്ദർശനം വഴിയൊരുക്കും.
27 രാജ്യങ്ങൾ ഉൾപ്പെടുന്ന യൂറോപ്യൻ യൂണിയന്റെ ഉന്നത നേതൃത്വത്തെ റിപ്പബ്ലിക് ദിനത്തിലേക്ക് ക്ഷണിക്കുന്നത് ഇന്ത്യയുടെ നയതന്ത്ര തന്ത്രത്തിന്റെ ഭാഗമായാണ് കാണപ്പെടുന്നത്. കഴിഞ്ഞ കുറച്ചു മാസങ്ങളായി ഇന്ത്യയും യൂറോപ്യൻ യൂണിയനും തമ്മിലുള്ള ബന്ധം കൂടുതൽ കരുത്താർജ്ജിച്ചിട്ടുണ്ട്. നവംബറിൽ ബ്രസ്സൽസിൽ നടന്ന ചർച്ചകളുടെ തുടർച്ചയായി ജനുവരിയോടെ വ്യാപാര കരാറിൽ അന്തിമ തീരുമാനമുണ്ടാകാനാണ് സാധ്യത.
European Commission President Ursula von der Leyen and European Council President António Costa will be the chief guests at India’s 2026 Republic Day celebrations. Their visit coincides with the India-EU Leaders' Summit on January 27, setting a crucial deadline for finalizing the Free Trade Agreement (FTA). This diplomatic move highlights the growing strategic and economic partnership between India and the 27-member European bloc.