ന്യൂഡൽഹി: രാജ്യ തലസ്ഥാനത്തെ ഷാഹ്ദാരയിൽ വയോധികരായ ദമ്പതികളെ വീടിനുള്ളിൽ ദുരൂഹസാഹചര്യത്തിൽ മരിച്ച നിലയിൽ കണ്ടെത്തി (Delhi Murder Case). വിരമിച്ച അധ്യാപകനായ വീരേന്ദ്ര കുമാർ ബൻസാൽ (75), ഭാര്യ പർവേഷ് ബൻസാൽ (65) എന്നിവരാണ് മരിച്ചത്. ശനിയാഴ്ച പുലർച്ചെ 12.30-ഓടെ ദമ്പതികളുടെ മകൻ നൽകിയ വിവരമനുസരിച്ചാണ് പോലീസ് സ്ഥലത്തെത്തിയത്. വീടിന്റെ മൂന്നാം നിലയിലെ രണ്ട് വ്യത്യസ്ത മുറികളിലായാണ് മൃതദേഹങ്ങൾ കണ്ടെത്തിയത്.
വീരേന്ദ്ര കുമാറിന്റെ മുഖത്ത് പരിക്കേറ്റ പാടുകൾ കണ്ടെത്തിയിട്ടുണ്ട്. ഇത് കൊലപാതകമാണെന്ന സംശയം ബലപ്പെടുത്തുന്നു. ക്രൈം ബ്രാഞ്ച് സംഘവും ഫോറൻസിക് വിദഗ്ധരും സ്ഥലത്തെത്തി പരിശോധനകൾ നടത്തി തെളിവുകൾ ശേഖരിച്ചു. പ്രാഥമിക നിഗമനത്തിൽ കവർച്ചാ ശ്രമത്തിനിടെയുള്ള കൊലപാതകമാകാം ഇതെന്നാണ് പോലീസ് കരുതുന്നത്. എന്നിരുന്നാലും എല്ലാ വശങ്ങളും പരിശോധിക്കുമെന്നും സിസിടിവി ദൃശ്യങ്ങൾ കേന്ദ്രീകരിച്ച് അന്വേഷണം ഊർജിതമാക്കിയതായും പോലീസ് അറിയിച്ചു. മരണകാരണം വ്യക്തമാകാൻ മൃതദേഹങ്ങൾ പോസ്റ്റ്മോർട്ടത്തിനായി അയച്ചിരിക്കുകയാണ്.
In New Delhi, an elderly retired teacher and his wife were found dead under suspicious circumstances in their Shahdara home. The police discovered the bodies on the third floor of the residence after being alerted by the couple's son. While a robbery angle is being investigated, authorities suspect murder due to visible injuries on the husband's face.