ഹാജിപൂർ: ബീഹാറിലെ വൈശാലി ജില്ലയിലുള്ള രാംചൗര മിഡിൽ സ്കൂളിൽ മദ്യപിച്ചെത്തിയ യുവാവ് വിദ്യാർത്ഥിനികളോട് മോശമായി പെരുമാറി (Drunk Youth Arrested). തിങ്കളാഴ്ചയാണ് സ്കൂൾ സമയത്ത് മദ്യലഹരിയിൽ അതിക്രമിച്ചു കയറിയ യുവാവ് കുട്ടികൾക്ക് നേരെ അശ്ലീല ചേഷ്ടകൾ കാണിക്കുകയും അപമര്യാദയായി പെരുമാറുകയും ചെയ്തതോടെയാണ് നാട്ടുകാരും സ്കൂൾ അധികൃതരും ഇടപെട്ടത്.
യുവാവിന്റെ പ്രവൃത്തി ശ്രദ്ധയിൽപ്പെട്ടതോടെ അധ്യാപകരും പ്രദേശവാസികളും ചേർന്ന് ഇയാളെ പിടികൂടി. പ്രകോപിതരായ നാട്ടുകാർ യുവാവിനെ മർദ്ദിക്കുകയും തുടർന്ന് ഓടിപ്പോകാതിരിക്കാൻ കൈകാലുകൾ കെട്ടിയിടുകയും ചെയ്തു. വിവരമറിഞ്ഞ് പോലീസ് സംഘം സ്ഥലത്തെത്തി പ്രതിയെ കസ്റ്റഡിയിലെടുത്തു.
സ്കൂൾ പോലുള്ള സുരക്ഷിതമായിരിക്കേണ്ട ഇടങ്ങളിൽ ഇത്തരം സംഭവങ്ങൾ നടക്കുന്നത് രക്ഷിതാക്കൾക്കിടയിൽ വലിയ ആശങ്കയുണ്ടാക്കിയിട്ടുണ്ട്. പ്രതിക്കെതിരെ കർശന നിയമനടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു. ബീഹാറിൽ മദ്യനിരോധനം നിലവിലുണ്ടായിട്ടും യുവാവ് മദ്യപിച്ചെത്തിയത് പോലീസിനെ കുറിച്ചും ചോദ്യങ്ങൾ ഉയർത്തുന്നുണ്ട്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.
A drunk youth created a ruckus at Ramchaura Middle School in Hajipur, Bihar, by entering the premises and misbehaving with students. Outraged locals and school staff caught the intruder, thrashed him, and tied his limbs to prevent escape before handing him over to the police. The incident has raised serious concerns regarding school security and the effectiveness of the liquor ban in the state, prompting calls for strict legal action against the accused.