പട്ന : ബിഹാറിലെ മുസാഫർപൂരിൽ ,ആഡംബര വാഹനവുമായി വ്യാജ മോട്ടോർ വെഹിക്കിൾ ഇൻസ്പെക്ടറെ (MVI) പോലീസ് പിടികൂടി . രഹസ്യ വിവരത്തിന്റെ അടിസ്ഥാനത്തിൽ, മുസാഫർപൂർ ജില്ലയിലെ കാന്തി പോലീസ് സ്റ്റേഷൻ പരിധിക്ക് കീഴിലുള്ള ദർഭംഗ ടേണിന് സമീപം ഒരു വ്യാജ മോട്ടോർ വെഹിക്കിൾ ഇൻസ്പെക്ടറെയും (എംവിഐ) ഒരു ആഡംബര വാഹനത്തെയും അയാളുടെ കൂട്ടാളിയെയും പോലീസ് വളഞ്ഞിട്ട് പിടികൂടുകയായിരുന്നു എന്നാണ് റിപ്പോർട്ട്.
അതേസമയം, ദർഭംഗ ടേണിന് സമീപമുള്ള വലിയ വാഹനങ്ങളിൽ നിന്ന് ആഡംബര കാറിൽ ഗതാഗത വകുപ്പിന്റെ ബോർഡ് സ്ഥാപിച്ച് അനധികൃതമായി പണം പിരിക്കുന്ന വ്യാജ എംവിഐകളെക്കുറിച്ച് ഞങ്ങൾക്ക് തുടർച്ചയായി വിവരങ്ങൾ ലഭിക്കുന്നുണ്ടെന്ന് കാന്തി എസ്എച്ച്ഒ രാംനാഥ് പ്രസാദ് പറഞ്ഞു. വിവരം സ്ഥിരീകരിച്ചയുടൻ പോലീസ് സംഘം പരിശോധന നടത്തി വ്യാജ എംവിഐയെയും ഒരു അയാളുടെ കൂട്ടാളികളിൽ ഒരാളെയും പിടികൂടി. ഇവർ ഉപയോഗിച്ചിരുന്ന ആഡംബര വാഹനവും പിടിച്ചെടുത്തതായി അദ്ദേഹം പറഞ്ഞു.
അറസ്റ്റിലായ രണ്ട് പ്രതികളും സരൺ ജില്ലയിലെ താമസക്കാരാണെന്നും വലിയ വാഹനങ്ങളിൽ നിന്ന് നിയമവിരുദ്ധമായി പണം പിരിച്ചെടുക്കുകയുമാണ് ഇവർ ചെയ്തിരുന്നതെന്നും അദ്ദേഹം പറഞ്ഞു. രണ്ട് കുറ്റവാളികളെയും ചോദ്യം ചെയ്തു വരികയാണെന്ന് പോലീസ് പറഞ്ഞു. ഇവരുടെ സംഘത്തിൽ കൂടുതൽ പേരുണ്ടെന്നും, ഇവരെയും ഉടൻ പിടികൂടുമെന്നും പോലീസ് പറഞ്ഞു.