ഗയ: കൂട്ടബലാത്സംഗത്തിന് ഇരയായ പെൺകുട്ടിയെ വീട്ടിൽ ചികിത്സിക്കാൻ എത്തിയ ഡോക്ടറെ ബലാത്സംഗ കേസിലെ പ്രതിവീട്ടിൽ നിന്ന് വലിച്ചിഴച്ച് ഒരു മരത്തിൽ കെട്ടിയിട്ട് ക്രൂരമായി മർദ്ദിച്ചു. ഈ മാരകമായ ആക്രമണത്തിൽ ഗ്രാമീണ ഡോക്ടർക്ക് ഗുരുതരമായി പരിക്കേറ്റു. സംഭവത്തെക്കുറിച്ചുള്ള വിവരം ലഭിച്ചയുടനെ, ഡയൽ 112 ടീം സ്ഥലത്തെത്തി മരത്തിൽ കെട്ടിയിട്ടിരുന്ന പരിക്കേറ്റ ഗ്രാമീണ ഡോക്ടറെ മോചിപ്പിച്ചു.
നക്സൽ ബാധിത പ്രദേശമായ ഗുർപ പോലീസ് സ്റ്റേഷൻ പരിധിയിലെ ഹരഖുര ഗ്രാമത്തിൽ നിന്നാണ് ഈ സംഭവം. ബലാത്സംഗത്തിന് ഇരയായ പെൺകുട്ടിയുടെ വീട്ടിൽ ചികിത്സയ്ക്കായി എത്തിയ ഒരു ഗ്രാമീണ ഡോക്ടറെ പെൺകുട്ടിയെ ബലാത്സംഗം ചെയ്ത പ്രതി വീട്ടിൽ നിന്ന് വലിച്ചിഴച്ചുകൊണ്ടുപോയെന്നു മാത്രമല്ല, ഒരു മരത്തിൽ കെട്ടിയിട്ട് ക്രൂരമായി മർദ്ദിക്കുകയും ചെയ്തു. അദ്ദേഹത്തിന്റെ ശരീരം മുഴുവൻ രക്തം പുരണ്ട നിലയിലായിരുന്നു. ചൊവ്വാഴ്ചയാണ് ഗ്രാമീണ ഡോക്ടർ ജിതേന്ദ്ര യാദവ് ബലാത്സംഗത്തിന് ഇരയായ പെൺകുട്ടിയുടെ വീട്ടിൽ ചികിത്സയ്ക്കായി പോയത്. തുടർന്ന് പ്രതിയും കൂട്ടാളികളും ചേർന്ന് അയാളെ പിടികൂടി എല്ലാവരും ചേർന്ന് ഒരു കയറുകൊണ്ട് ഒരു മരത്തിൽ കെട്ടി ക്രൂരമായി തല്ലിച്ചതക്കുകയായിരുന്നു.
ഡോക്ടർ സാഹബിനെ ഒരു മരത്തിൽ കെട്ടിയിട്ട് നിഷ്കരുണം മർദിക്കാൻ തുടങ്ങിയതോടെ, ബലാത്സംഗത്തിന് ഇരയായ പെൺകുട്ടി ഇവിടെനിന്നും കടന്നു ഓടി രക്ഷപ്പെടുകയായിരുന്നു. തുടർന്ന് വിവരം പോലീസിനെ അറിയിക്കുകയായിരുന്നു. പോലീസ് വരുന്നത് കണ്ട് പ്രതി സ്ഥലത്ത് നിന്ന് ഓടി രക്ഷപ്പെട്ടു. മരത്തിൽ കെട്ടിയിട്ട ഡോക്ടറെ പോലീസ് ഉദ്യോഗസ്ഥർ മോചിപ്പിച്ചു. തുടർന്ന് പരിക്കേറ്റ ഡോക്ടറെ ചികിത്സയ്ക്കായി ഫത്തേപൂർ സിഎച്ച്സിയിലേക്ക് കൊണ്ടുപോയി, അവിടെ പ്രഥമശുശ്രൂഷയ്ക്ക് ശേഷം മഗധ് മെഡിക്കൽ കോളേജിലേക്ക് റഫർ ചെയ്തു. നിലവിൽ പോലീസ് തുടർനടപടികളിൽ ഏർപ്പെട്ടിരിക്കുകയാണ്.