ന്യൂഡൽഹി: അഹമ്മദാബാദിലെ വിമാനാപകടത്തെ തുടർന്ന്, എയർ ഇന്ത്യയുടെ GEnx എഞ്ചിനുകൾ ഘടിപ്പിച്ച ബോയിംഗ് 787 ഡ്രീംലൈനർ ഫ്ലീറ്റിന്റെ സുരക്ഷാ പരിശോധന വർദ്ധിപ്പിക്കാൻ വ്യോമയാന നിരീക്ഷണ ഏജൻസി ഉത്തരവിട്ടു(Ahmedabad plane crash). എയർ ഇന്ത്യയുടെ ഫ്ലീറ്റിൽ 26 'ബോയിംഗ് 787-8' വിമാനങ്ങളും 7 'ബോയിംഗ് 787-9' വിമാനങ്ങളുമാണുള്ളത്. വിമാനത്തിന്റെ വിവിധ സംവിധാനങ്ങളുടെ പരിശോധനകളും ടേക്ക്-ഓഫ് പാരാമീറ്ററുകളുടെ അവലോകനവും സുതാര്യമായി പരിശോധിക്കാനാണ് ഡിജിസിഎ ഉത്തരവിട്ടിരിക്കുന്നത്. ബന്ധപ്പെട്ട ഡിജിസിഎ മേഖലാ ഓഫീസുകളുമായി ഏകോപിപ്പിച്ചായിരിക്കും ഈ പ്രവർത്തനങ്ങൾ നടപ്പിലാക്കുക.
ജനുവരി 15 ന് പ്രാബല്യത്തിൽ വന്ന ഉത്തരവ് പ്രകാരം ബോയിംഗ് 787 വിമാനങ്ങൾ ഒറ്റത്തവണ പരിശോധനകൾക്ക് വിധേയമാക്കേണ്ടതുണ്ട്. ഈ പരിശോധനയിൽ ഇന്ധന പാരാമീറ്റർ നിരീക്ഷണം, അനുബന്ധ സിസ്റ്റം പരിശോധനകൾ, ക്യാബിൻ എയർ കംപ്രസ്സറും അനുബന്ധ സംവിധാനങ്ങളും പരിശോധിക്കൽ, ഇലക്ട്രോണിക് എഞ്ചിൻ നിയന്ത്രണ സംവിധാനം പരിശോധിക്കൽ, എഞ്ചിൻ ഇന്ധന ചാലക ആക്യുവേറ്റർ-ഓപ്പറേഷണൽ പരിശോധന, ഇന്ധന പരിശോധനകൾ എന്നിവ ഉൾപ്പെടുന്നുണ്ട്. ഇവയെല്ലാം തന്നെ കൃത്യമായി നടത്താനാണ് ഡിജിസിഎ അറിയിച്ചിരിക്കുന്നത്.