ന്യൂഡൽഹി : തലസ്ഥാന നഗരിയായ ഡൽഹിയിലെ വായുവിൻ്റെ ഗുണനിലവാരം ശനിയാഴ്ചയും 'മോശം' (Poor) വിഭാഗത്തിൽ തന്നെ തുടർന്നു. കേന്ദ്ര മലിനീകരണ നിയന്ത്രണ ബോർഡിൻ്റെ (CPCB) കണക്കുകൾ പ്രകാരം, ഡൽഹിയിലെ മൊത്തത്തിലുള്ള വായു ഗുണനിലവാര സൂചിക (AQI) കഴിഞ്ഞ ദിവസത്തെ 218-ൽ നിന്ന് നേരിയ തോതിൽ ഉയർന്ന് 251-ൽ എത്തി.(Delhi's air quality remains 'poor')
നഗരത്തിലെ എട്ട് സ്റ്റേഷനുകളിലെ എ.ക്യു.ഐ. 'വളരെ മോശം' (Very Poor) വിഭാഗത്തിലാണ് രേഖപ്പെടുത്തിയത്. മറ്റു സ്റ്റേഷനുകളിൽ ഇത് 'മോശം' വിഭാഗത്തിലായിരുന്നു.
സി.പി.സി.ബി.യുടെ സമീർ ആപ്പ് പ്രകാരം, വസീർപൂരിലാണ് ഏറ്റവും ഉയർന്ന എ.ക്യു.ഐ. രേഖപ്പെടുത്തിയത്; 333. വായു ഗുണനിലവാരം മോശമായതോടെ, ഡൽഹിയിലെ ജനജീവിതത്തിൽ ശാരീരിക ബുദ്ധിമുട്ടുകൾ ഉണ്ടാകാൻ സാധ്യതയുണ്ട്.