ന്യൂഡൽഹി : രാജ്യതലസ്ഥാനമായ ഡൽഹിയുടെ പേര് 'ഇന്ദ്രപ്രസ്ഥ' എന്നാക്കി മാറ്റണമെന്ന് ആവശ്യപ്പെട്ട് ബി.ജെ.പി. എം.പി. പ്രവീൺ ഖണ്ഡേവാൽ കേന്ദ്ര ആഭ്യന്തര മന്ത്രി അമിത് ഷായ്ക്ക് കത്ത് നൽകി. ഡൽഹിയുടെ സാംസ്കാരികവും ചരിത്രപരവുമായ പ്രാധാന്യം കണക്കിലെടുത്താണ് പേര് മാറ്റണമെന്ന ആവശ്യം അദ്ദേഹം ഉന്നയിച്ചത്.(Delhi should be renamed Indraprastha, BJP MP writes to Amit Shah)
ഡൽഹിക്ക് പകരം ഇന്ദ്രപ്രസ്ഥം എന്ന് നാമകരണം ചെയ്യണമെന്നും, ഓൾഡ് ഡൽഹി റെയിൽവേ സ്റ്റേഷന് 'ഇന്ദ്രപ്രസ്ഥ ജംങ്ഷൻ' എന്നും വിമാനത്താവളത്തിന് 'ഇന്ദ്രപ്രസ്ഥ എയർപോർട്ട്' എന്നും പേര് മാറ്റണമെന്നും ഇതിൽ ആവശ്യപ്പെടുന്നു.
ഡൽഹിയിലെ പ്രധാനപ്പെട്ട സ്ഥലങ്ങളിൽ പാണ്ഡവൻമാരുടെ പ്രതിമകൾ സ്ഥാപിക്കണമെന്നും ബി.ജെ.പി. എം.പി. പ്രവീൺ ഖണ്ഡേവാൽ കത്തിൽ ആവശ്യപ്പെട്ടിട്ടുണ്ട്. ചരിത്രപരമായ ഐഡൻ്റിറ്റി പുനഃസ്ഥാപിക്കുക എന്ന ലക്ഷ്യത്തോടെയാണ് ഈ ആവശ്യങ്ങൾ ഉന്നയിച്ചിരിക്കുന്നത്.