ന്യൂഡൽഹി: സുഹൃത്തിന്റെ വിവാഹത്തിൽ പങ്കെടുക്കാൻ ഇന്ത്യയിലെത്തിയ അമേരിക്കൻ യുവതിക്ക് ഡൽഹി മെട്രോ സ്റ്റേഷനിൽ വെച്ച് ലൈംഗികാതിക്രമം നേരിടേണ്ടി വന്ന വാർത്ത വലിയ പ്രതിഷേധത്തിന് കാരണമാകുന്നു (Delhi Metro Sexual Harassment). ഒരു കൗമാരക്കാരൻ തന്നോട് അപമര്യാദയായി പെരുമാറിയെന്നും ഇതിനെ ചോദ്യം ചെയ്തപ്പോൾ മകനെ ന്യായീകരിച്ച് അവന്റെ മാതാവ് രംഗത്തെത്തിയെന്നും യുവതി വെളിപ്പെടുത്തി. ന്യൂജേഴ്സിയിലെ സ്റ്റീവൻസ് ഇൻസ്റ്റിറ്റ്യൂട്ട് ഓഫ് ടെക്നോളജിയിലെ പ്രൊഫസറായ ഗൗരവ് സബ്നിസാണ് തന്റെ മുൻ വിദ്യാർത്ഥിനിയായ യുവതി അയച്ച സന്ദേശം സോഷ്യൽ മീഡിയയിലൂടെ പങ്കുവെച്ചത്.
യുവതി രോഷാകുലയായി അവനെ പിടിച്ചുതള്ളിയപ്പോൾ, മകനെ ശാസിക്കുന്നതിന് പകരം യുവതിക്കെതിരെ തട്ടിക്കയറുകയാണ് മാതാവ് ചെയ്തത്. മകൻ ഒരു 'ബ്ലോണ്ട്' യുവതിയെ ആദ്യമായി അടുത്തുകാണുന്ന ആവേശത്തിൽ ചെയ്തതാണെന്നും യുവതി അമിതമായി പ്രതികരിക്കുകയാണെന്നും മാതാവ് വാദിച്ചു. ഇത്തരം വളർത്തലുകളെക്കുറിച്ച് താൻ ഞെട്ടിപ്പോയെന്ന് യുവതി സന്ദേശത്തിൽ കുറിച്ചു.
ഇന്ത്യൻ സ്ത്രീകളുടെ അവസ്ഥയിൽ തനിക്ക് സങ്കടമുണ്ടെന്നും ഇതാണോ അവരുടെ നിത്യജീവിതമെന്നും യുവതി ചോദിച്ചു. എട്ട് ദിവസത്തെ സന്ദർശനത്തിന് ശേഷം മടങ്ങിയ യുവതി, ഇന്ത്യ മനോഹരമായ രാജ്യമാണെങ്കിലും ഇത്തരം അനുഭവങ്ങൾ കാരണം താൻ ഇനിയൊരിക്കലും ഇങ്ങോട്ടേക്ക് മടങ്ങിവരില്ലെന്ന് വ്യക്തമാക്കി. ഈ സംഭവം സോഷ്യൽ മീഡിയയിൽ വലിയ ചർച്ചകൾക്ക് വഴിവെച്ചിട്ടുണ്ട്. സ്ത്രീ സുരക്ഷയെക്കുറിച്ചും കുട്ടികളെ വളർത്തുന്ന രീതിയെക്കുറിച്ചും നിരവധി പേർ വിമർശനവുമായി രംഗത്തെത്തി.
An American woman visiting India for a wedding experienced a traumatic sexual assault at a Delhi Metro station when a teenager groped her while taking a selfie. When she reacted in anger, the boy's mother defended him, claiming he got "carried away" because he had never seen a blonde woman up close. Disturbed by the incident and the mother's reaction, the woman shared her ordeal through her former professor, stating she feels sorry for Indian women and vows never to return to South Asia.