ഡെറാഡൂൺ: ഉത്തരാഖണ്ഡിലെ ഡെറാഡൂണിലുണ്ടായ മേഘവിസ്ഫോടനത്തിൽ ദുരന്തബാധിത പ്രദേശങ്ങൾ സന്ദർശിച്ച് ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി(Dehradun cloudburst). സഹസ്രധാര, റായ്പൂർ, ഡെറാഡൂണിലെ മറ്റ് ദുരിതബാധിത പ്രദേശങ്ങൾ എന്നിവയുൾപ്പെടെയുള്ള ദുരന്തബാധിത പ്രദേശങ്ങളിലാണ് മുഖ്യമന്ത്രി സന്ദർശനം നടത്തിയത്.
സന്ദർശന ശേഷം "സ്ഥിതിഗതികൾ വ്യക്തിപരമായി നിരീക്ഷിച്ചു വരികയാണെന്നും ജില്ലാ ഭരണകൂടം, എസ്‌ഡി‌ആർ‌എഫ്, പോലീസ് എന്നിവർ സ്ഥലത്തെത്തി ദുരിതാശ്വാസ, രക്ഷാപ്രവർത്തനങ്ങളിൽ ഏർപ്പെട്ടിട്ടുള്ളതായും" അദ്ദേഹം അറിയിച്ചു.
അതേസമയം, മേഘവിസ്ഫോടനത്തിന്റെ സ്ഥിതിഗതികൾ വിലയിരുത്താൻ പ്രധാനമന്ത്രി നരേന്ദ്ര മോദിയും കേന്ദ്ര ആഭ്യന്തരമന്ത്രി അമിത് ഷായും ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമിയുമായി ഫോണിൽ സംസാരിച്ചു.