ഡെറാഡൂൺ: ഉത്തരാഖണ്ഡിലെ ഡെറാഡൂണിൽ കഴിഞ്ഞ ദിവസം രാത്രി മുതൽ പെയ്ത ശക്തമായ മഴയിൽ തംസ നദി കരകവിഞ്ഞൊഴുകുന്നു(Dehradun cloudburst). ഇതോടെ തപകേശ്വർ മഹാദേവ ക്ഷേത്രം വെള്ളത്തിനടിയിലായി.
ഇന്ന് രാവിലെ 5 മണി മുതൽ നദിയിലെ ജലനിരപ്പ് 10-12 അടി വരെ ഉയർന്ന് ഗുഹാക്ഷേത്രത്തിലേക്ക് പ്രവേശിച്ചതായാണ് വിവരം. മരക്കഷണങ്ങൾ ഉൾപ്പെടെയുള്ള അവശിഷ്ടങ്ങൾ ക്ഷേത്രത്തിന് കൂടുതൽ നാശനഷ്ടങ്ങൾ വരുത്തിയതായും ക്ഷേത്ര പൂജാരി ആചാര്യ ബിപിൻ സ്ഥിരീകരിച്ചു. മാത്രമല്ല; ക്ഷേത്രത്തിലെ ഹനുമാൻ പ്രതിമയിലേക്ക് വെള്ളം എത്തിയെങ്കിലും ശ്രീകോവിൽ സുരക്ഷിതമായി തുടർന്നതായാണ് റിപ്പോർട്ട്.