ന്യൂഡൽഹി: ഡൽഹി സർവകലാശാല മുൻ പ്രസിഡന്റ് റൗണക് ഖത്രിക്ക് നേരെ വധഭീഷണി(Death threat). വാട്‌സ്ആപ്പ് വഴിയാണ് വധഭീഷണി ലഭിച്ചത്. ഖത്രിയോട് 5 കോടി രൂപ നൽകണമെന്നും ഇല്ലാത്ത പക്ഷം വെടിവച്ചുകൊല്ലുമെന്നും അവകാശപ്പെടുന്ന സന്ദേശം രോഹിത് ഗോദാരയുടേതാണെന്നാണ് പുറത്തു വരുന്ന വിവരം.
അതേസമയം, ഭീഷണി സംബന്ധിച്ച് ഖത്രി ഡൽഹി പോലീസിൽ പരാതി നൽകി. പോലീസ് ഈ വിഷയത്തിൽ കേസെടുത്ത് അന്വേഷണം ആരംഭിച്ചതായി അറിയിച്ചു.
"മതി നിങ്ങളുടെ രാഷ്ട്രീയം... ഒന്നുകിൽ 5 കോടി രൂപ നൽകുക അല്ലെങ്കിൽ മരിക്കാൻ തയ്യാറാകുക. എത്ര കാലം നിങ്ങൾ ഞങ്ങളുടെ കോളുകൾ അവഗണിച്ചുകൊണ്ടേയിരിക്കും? ഇനി നിങ്ങൾക്ക് ഒരു വെടിയുണ്ട എങ്ങനെ സമീപിക്കുമെന്ന് കാണാം," - എന്നാണ് വാട്‌സ്ആപ്പ് സന്ദേശത്തിൽ പറയുന്നത്.