ഗുജറാത്ത്: വിവാഹിതയായ സ്ത്രീയുമായി അവിഹിത ബന്ധത്തിലായിരുന്ന ദളിത് യുവാവിനെ ആ സ്ത്രീയുടെ ഭർത്താവും ബന്ധുക്കളും ചേർന്ന് ക്രൂരമായി മർദ്ദിക്കുകയും (Dalit youth beaten up) നഗ്നനായി നടത്തുകയും ചെയ്തു. ഗുജറാത്തിലെ സബർകാന്ത ജില്ലയിലാണ് സംഭവം.മാർച്ച് 11 ന് രാത്രി ഇഡാർ പട്ടണത്തിനടുത്തുള്ള ഒരു ഗ്രാമത്തിൽ നടന്ന സംഭവത്തിന്റെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്. വീഡിയോയിൽ, ഒരു സംഘം ആക്രമിക്കുമ്പോൾ നഗ്നനായി നടക്കുന്ന 20 വയസ്സുള്ള ഒരാളെയാണ് കാണുന്നത്.
ഹിമ്മത്നഗറിൽ നിന്ന് 20 കിലോമീറ്റർ അകലെയുള്ള ഇഡാർ പട്ടണത്തിലെ വീട്ടിൽ നിന്ന് വിവാഹിതയായ ഒരു സ്ത്രീയുമായി പ്രണയത്തിലായിരുന്ന ഒരാളെ തട്ടിക്കൊണ്ടുപോയി മർദ്ദിക്കുകയും നഗ്നനായി നടത്തുകയും ചെയ്യുകയായിരുന്നു എന്നാണ് റിപ്പോർട്ട്.
വൈറലായ വീഡിയോയുടെ അടിസ്ഥാനത്തിൽ സ്ത്രീയുടെ ഭർത്താവിനും മറ്റ് ബന്ധുക്കൾക്കുമെതിരെ പോലീസ് എഫ്‌ഐആർ രജിസ്റ്റർ ചെയ്തിട്ടുണ്ട്. ക്ഷമാപണ കത്തിൽ ഒപ്പിട്ടതിനു ശേഷമാണ് അവരെ വിട്ടയച്ചതെന്ന് പോലീസ് സൂപ്രണ്ട് വിജയകാന്ത് പട്ടേൽ പറഞ്ഞു.